Sjálfbærniskýrsla Harvard háskóla komin út
Grænu skrefin koma upprunalega frá Harvard háskóla og því er upplagt að fylgjast vel með þeirra vinnu við umhverfismál. Nú er sjálfbærniskýrslan fyrir árið 2015 komin út en háskólinn hefur sett sér háleit markmið um að draga úr t.d. losun gróðurhúsalofttegunda, minnka notkun vatns, minnka úrgang og fleiri þætti. Þá kemur fram að þrátt fyrir að háskólinn hafi stækkað í umfangi og aukið orkunotkun þá hefur losun gróðurhúsalofttegunda samt sem áður dregist saman um 20%.
Sjá skýrslu hér
Vínbúð Seyðisfjarðar komin með tvö Græn skref
Nú er Vínbúð Seyðisfjarðar komin í hóp þeirra Vínbúða sem komnar eru með tvö Græn skref. Innilega til hamingju með áfangann og gangi ykkur vel í framhaldinu.
Allar starfsstöðvar Heilbrigðisstofnunar Vesturlands hafa lokið fyrstu skrefunum
Heilbrigðisstofnun Vesturlands er fyrsta heilbrigðisstofnunin sem lýkur fyrstu Grænu skrefunum. Áður höfðu Stykkishólmur, Borgarnes, Ólafsvík og Grundarfjörður fengið viðurkenningar fyrir fyrstu tvö skrefin en í dag bættust við Búðardalur, Hólmavík með tvö Græn skref og Akranes og Hvammstangi með fyrsta Græna skrefið. HVE er búin að vera að vinna að umhverfismálum síðan 2012 og ná síðan þessum áfangasigri í dag með öllum sínum átta starfsstöðvum. Það er mikill áhugi og hugur í starfsfólki sem stendur sig afar vel í þessum málaflokki. Innilega til hamingju 🙂
Á móti viðurkenningunum tóku tengiliðir hverrar starfsstöðvar við verkefnið: Frá vinstri:
Sigríður Guðmundsdóttir- Akranesi, Sólveig Halldórsdóttir – Hólmavík, Kristín G. Ólafsdóttir – Búðardal og Birgir Jónsson – Hvammstanga
Háskóli Íslands hefur bæst við hópinn
Enn fjölgar þátttakendum í Grænu skrefunum sem er mikið gleðiefni. Háskóli Íslands hefur nú skráð sig til þátttöku en um afar stóran vinnustað er að ræða, eina 1600 starfsmenn og um 13.000 nemendur. Við hlökkum til samvinnu við Háskólann og bjóðum hann velkominn í verkefnið 🙂
Tryggingastofnun er komin í Grænu skrefin
Tryggingastofnun er nýjasti meðlimur Grænna skrefa og hlökkum við mjög til að vinna með þeim að grænni rekstri.
Óþarfa einnota drykkjarmál
Í fyrsta Græna skrefinu er gerð krafa um að stofnanir kaupi ekki og noti einnota drykkjarmál eða borðbúnað. Í einhverjum tilfellum þó getur verið að annað sé ekki hægt en almennt eigum við að forðast það að kaupa einnota hluti, sem gera ekkert annað en að auka úrgangsmyndun og nýtingu á þegar ofnýttum auðlindum okkar. Flestar stofnanir hafa postulínsmál en nokkrar hafa gert skemmtilegar útfærslur af könnunum sínum. Til dæmis lét Isavia lét útbúa könnur með mismunandi tilvísunum um umhverfismál og starfsfólk Landgræðslunnar málaði sjálft á sínar könnur og merkti starfsmönnum, þannig er hver með sína eigin persónulegu könnu.
Vínbúðin á Egilsstöðum fengu fyrstu tvö skrefin afhent
Starfsmenn Vínbúðarinnar á Egilsstöðum tóku á móti viðurkenningu Grænna skrefa í dag fyrir fyrstu tvö Grænu skrefin. Innilega til hamingju með árangurinn 🙂
Starfsstöð Isavia, Flugstöð Leifs Eiríkssonar fékk Grænt skref
Starfsstöðvar Isavia vinna vel að Grænu skrefunum sínum og nú var það Flugstöð Leifs Eiríkssonar sem fékk afhent fyrsta Græna skrefið. Þau ganga hratt og vel til verka og verða örugglega ekki lengi að klára hin skrefin.
Á myndinni eru: Hlynur Sigurðsson, Jófríður Leifsdóttir, Hólmfríður Þorsteinsdóttir, Helga Eyjólfsdóttir og Hrönn Ingólfsdóttir.
Fyrsta Græna skrefið í höfn hjá fjármála- og efnahagsráðuneyti
Vinnuhópur Grænna skrefa í fjármála- og efnahagsráðuneyti tók á dögunum á móti viðurkenningu fyrir fyrsta Græna skrefið. Frábær vinna hjá flottum hópi kvenna. Á myndinni eru f.h. Margrét Karlsdóttir, Anna Antonsdóttir, Ólöf Stefánsdóttir og Ingunn M. Hilmarsdóttir.
Isavia, Reykjavík flugturn og fræðslumiðstöð er komin með fyrsta skrefið
Mikil jákvæðni, gleði og samkeppni einkenndi höfuðstöðvar Isavia þegar ljóst var að þau uppfylltu úttekt og fengu þar með afhenta viðurkenningu fyrir fyrsta Græna skrefið. Ekki nóg með að hampa viðurkenningu Grænna skrefa þá fengu þau líka verðlaun fyrir að vera fyrsta starfsstöð Isavia til að klára fyrsta skrefið. Þau eru síðan strax farin að huga að næsta skrefi. Hrönn Ingólfsdóttir, Sigurlaug Ásta Sigvaldadóttir, Helga R. Eyjólfsdóttir og Elín Árnadóttir tóku á móti viðurkenningunni.
