Vínbúðin á Egilsstöðum fengu fyrstu tvö skrefin afhent
Starfsmenn Vínbúðarinnar á Egilsstöðum tóku á móti viðurkenningu Grænna skrefa í dag fyrir fyrstu tvö Grænu skrefin. Innilega til hamingju með árangurinn 🙂
Starfsstöð Isavia, Flugstöð Leifs Eiríkssonar fékk Grænt skref
Starfsstöðvar Isavia vinna vel að Grænu skrefunum sínum og nú var það Flugstöð Leifs Eiríkssonar sem fékk afhent fyrsta Græna skrefið. Þau ganga hratt og vel til verka og verða örugglega ekki lengi að klára hin skrefin.
Á myndinni eru: Hlynur Sigurðsson, Jófríður Leifsdóttir, Hólmfríður Þorsteinsdóttir, Helga Eyjólfsdóttir og Hrönn Ingólfsdóttir.
Fyrsta Græna skrefið í höfn hjá fjármála- og efnahagsráðuneyti
Vinnuhópur Grænna skrefa í fjármála- og efnahagsráðuneyti tók á dögunum á móti viðurkenningu fyrir fyrsta Græna skrefið. Frábær vinna hjá flottum hópi kvenna. Á myndinni eru f.h. Margrét Karlsdóttir, Anna Antonsdóttir, Ólöf Stefánsdóttir og Ingunn M. Hilmarsdóttir.
Isavia, Reykjavík flugturn og fræðslumiðstöð er komin með fyrsta skrefið
Mikil jákvæðni, gleði og samkeppni einkenndi höfuðstöðvar Isavia þegar ljóst var að þau uppfylltu úttekt og fengu þar með afhenta viðurkenningu fyrir fyrsta Græna skrefið. Ekki nóg með að hampa viðurkenningu Grænna skrefa þá fengu þau líka verðlaun fyrir að vera fyrsta starfsstöð Isavia til að klára fyrsta skrefið. Þau eru síðan strax farin að huga að næsta skrefi. Hrönn Ingólfsdóttir, Sigurlaug Ásta Sigvaldadóttir, Helga R. Eyjólfsdóttir og Elín Árnadóttir tóku á móti viðurkenningunni.
Morgunverðarfundur – Saman gegn sóun
Haldinn verður morgunverðarfundur þann 17. mars milli kl. 08.30 og 10.00 þar sem kynnt verður ný stefna ríkisstjórnarinnar um úrgangsforvarnir- Saman gegn sóun. Einnig verða haldin erindi um verkefni sem stuðla eiga að minni matarsóun. Frekari upplýsingar má sjá hér fyrir neðan.
Stofnun Vilhjálms Stefánssonar nældi sér í annað skrefið
Þær Lára Ólafsdóttir og Joan Larsen hjá Stofnun Vilhjálms Stefánssonar tóku á móti sínu öðru Græna skrefi á dögunum. Frábær vinna hjá flottri stofnun.
Náttúrufræðistofnun fékk sitt fjórða skref
Náttúrufræðistofnun Íslands í Urriðaholti fékk fjórða Græna skrefið sitt í dag en aðeins er um eitt ár síðan þau fengu fyrsta Græna skrefið. Frábær vinna hjá þeim á ekki lengri tíma. Húsnæði stofnunarinnar er með BREEAM vottun fyrir vistvænar byggingar og svo er endurnýting hjá stofnuninni til fyrirmyndar. Þau endurnýta gamlar tölvur, gömul gróðurkort, tunnur, glerkrukkur, matarafganga og margt annað fyrir rekstur sinn. Vel gert NÍ 🙂
