Leiðbeiningar

Fyrstu skref

Eitt af fyrstu skrefunum í verkefninu er að velja fólk til að móta loftslagsstefnu ásamt tilheyrandi markmiðasetningu og gerð aðgerðaáætlunar. Kjörið er að biðja umhverfisráð eða teymi sem sér um umhverfismál vinnustaðarins að sjá um undirbúningsvinnuna. Ef slíkur hópur er ekki til staðar er mælt með að setja hann á laggirnar en í því er hægt að fara ýmsar leiðir. Nauðsynlegt er að hafa stuðning yfirstjórnar og gott að hafa fjölbreytt teymi til þess að tryggja yfirsýn yfir ólíka starfsemi stofnunarinnar.

Ferlið

Hér má finna leiðbeiningar um gerð og innleiðingu loftslagsstefnu fyrir ríkisaðila. Við gerð loftslagsstefnu er gott að fylgja eftirfarandi verklagi:

1. Útreikningur losunar á viðmiðunarári

• Reikna losun gróðurhúsalofttegunda vegna þeirra þátta sem stefnan tekur til, yfir eins árs tímabil. Það tímabil er þá notað sem viðmiðunarár (grunnár) sem samdráttarmarkmið miðast síðan við.

2. Loftslagsstefna mótuð

• Setja fram loftslagsstefnu sem inniheldur tölusett yfirmarkmið um samdrátt í losun.

3. Mælanleg markmið og aðgerðaáætlun

• Setja mælanleg markmið fyrir hvern losunarþátt
• Skilgreina aðgerðir með áherslu á stærstu þættina
• Meta hversu miklum árangri aðgerðirnar skila
• Kostnaðarmeta aðgerðirnar
• Setja fram fjármagnaða og tímasetta aðgerðaáætlun sem skilar settu markmiði

4. Framkvæmd, eftirfylgni og endurskoðun

• Ráðast í aðgerðir samkvæmt aðgerðaáætlun
• Endurmeta markmið og aðgerðaáætlun með reglulegu millibili

5. Gott að vinna loftslags- og umhverfisstefnu saman

• Í Grænu skrefunum hefur alltaf verið lögð áhersla á að stofnanir setji sér umhverfisstefnu.
• Þegar skylda stofnana til að setja sér loftslagsstefnu var sett fram í loftslagslögum var þessu tvennu skeytt saman í aðgerðum skrefanna og tala um umhverfis- og loftslagsstefnu.
• Það er ekki lagaleg skylda að setja sér umhverfisstefnu en hins vegar er það skylda í skrefunum. Enda ýmsir þættir mikilvægir umhverfisþættir þó þeir hafi lítil áhrif á loftslagið.