Skráning er hafin á morgunfund

/in /by

Nú styttist í morgunfundinn okkar þann 6. desember og hlökkum við mikið til að hitta ykkur og spjalla um verkefnið og umhverfismálin.

Skráning hér. Við biðjum ykkur öll um að skrá ykkur, hvort sem þið takið þátt á staðnum eða í fjarfundi. Frítt inn og allir velkomnir – endilega sendið boðið áfram innan ykkar vinnustaðar.

Hvenær: þriðjudaginn 6. desember kl. 9-12
Hvar: Grand hótel Reykjavík – Salur: Gullteigur. Að sjálfsögðu verður einnig hægt að taka þátt í fjarfundi.
Grand hótel er Svansvottað hótel og hvetjum við þátttakendur til að mæta með umhverfisvænum hætti; strætóleiðir 14, 4, 12 og 16 stoppa nálægt hótelinu og góðar hjólaleiðir liggja að því. Boðið verður upp á léttar veitingar og kaffi meðan á fundi stendur.

Dagskráin er afar spennandi, blanda af fyrirlestrum, umræðum og borðavinnu – bæði fyrir þá sem mæta á Grand og taka þátt í fjarfundi.

 

 

Morgunfundur Grænna skrefa 6. desember

/in /by

Nú líður senn að árlegum morgunfundi okkar og hlökkum við mikið til að sjá ykkur sem flest á Grand hótel Reykjavík þann 6. desember næstkomandi milli kl. 9 og 12. Að sjálfsögðu verður einnig boðið upp á þátttöku í gegnum fjarfund. Frítt inn og allir áhugasamir þátttakendur velkomnir.

Á fundinum munum við segja ykkur frá stöðunni á verkefninu og niðurstöðum ánægjukönnunar. Einnig fáum við til okkar frábæra fyrirlesara sem ætla að segja okkur hvernig við getum tekið Grænu skrefin lengra í okkar leik og starfi ásamt því að fara í skapandi borðavinnu sem vonandi veitir okkur öllum innblástur á grænu vegferðinni.

Við hvetjum ykkur til að taka tímann frá í dagatalinu og munum við senda fullbúna dagskrá og skráningarform á tengiliðina sem fyrst.