Menntaskólinn á Akureyri bætist í hópinn
Við bjóðum Menntaskólann á Akureyri velkominn til leiks.
Í núgildandi umhverfisstefnu skólans stendur meðal annars „[
Við hlökkum til samstarfsins!
Myndir af vinnustofum um umbætur aðgerða
Þessa dagana stendur yfir yfirhalning á aðgerðum Grænna skrefa. Nauðsynlegt er að endurskoða aðgerðirnar reglulega með tilliti til fyrri reynslu og nýrrar þekkingar í umhverfismálum, og höfum við gert þetta á ca 2. ára fresti. Á morgunverðarfundi Grænna skrefa í síðustu viku skiptu þátttakendur sér niður í fjórar vinnustofur þar sem umbætur aðgerða voru ræddar. Umsjónarmenn verkefnisins höfðu þegar farið í nokkra grunnvinnu sem var borin undir þátttakendur og þeim gefið færi á að koma með athugasemdir og hugmyndir að nýjum aðgerðum. Í þessari yfirhalningu leggjum við áherslu á aðgerðir sem koma til enn frekari samdráttar í losun gróðurhúsalofttegunda. Einnig var tekin ákvörðun um að bæta við nýjum flokki – eldhús og kaffistofur – í viðleitni til að tækla betur innkaup mötuneyta, matarsóun og auka framboð á grænmetisfæði.
Hér má nálgast pdf með skjáskotum af öllum umræðuborðum.
Nú erum við að taka saman niðurstöður vinnustofanna og munum láta ykkur vita þegar uppfærður gátlisti verður birtur. Við þökkum ykkur kærlega fyrir ykkar framlag í þessari vinnu og hvetjum ykkur til að heyra í okkur ef þið hafið frekari athugasemdir á þessu stigi.
Upptaka og glærur af morgunverðarfundi
Við þökkum kærlega fyrir góða þátttöku á morgunverðarfundi Grænna skrefa þann 21. október síðastliðinn. Hér að neðan finnið þið upptökur og glærur frá fundinum ásamt spurningum sem við leituðum svara við í kjölfar fundar. Vinnustofur voru ekki teknar upp en myndir af umræðuborðum má finna hér.
Staða Grænu skrefanna og umbætur á aðgerðum – Þorbjörg Sandra Bakke
Græn skref – Þjóðskjalasafn – Anna Elínborg Gunnarsdóttir
Græn skref – Vatnajökulsþjóðgarður – Agnes Brá Birgisdóttir
Aðgerðaáætlun stjórnvalda í loftslagsmálum – Anna Sigurveig Ragnarsdóttir
Nokkrar spurningar sem við ætluðum að svara hér:
Hver er staðan á samræmingu sorpflokkunar á landsvísu?
Fyrst er vert að undirstrika að samræming sorpflokkunar þýðir fyrst og fremst samræmdar merkingar/litakóðar fyrir hvern úrgangsstraum. Tillaga um samræmingu kemur fram í drögum að stefnu um meðhöndlun úrgangs sem Umhverfisstofnun skilaði til umhverfis- og auðlindaráðuneytisins í október 2019. Áætlað er að sett verði fram frumvarpsdrög um breytingar á lögum um meðhöndlun úrgangs á vorþingi 2021 og er von stofnunarinnar að samræmingarkrafan verði hluti af því frumvarpi.
Á hvaða vettvangi er verið að skoða kaup á kolefnisreikni matvæla og hvar er sú vinna stödd?
Í aðgerð 2.2.A í Innkaupastefnu matvæla fyrir ríkisaðila, sem samþykkt var árið 2019, segir: Stjórnvöld leggi til reiknilíkan sem mælir kolefnisspor matvæla frá framleiðanda til kaupanda. Umhverfis- og auðlindaráðuneyti og atvinnuvega- og nýsköpunarráðuneyti eru þessa dagana að skoða hvort fjármögnun fáist fyrir aðgang allra ríkisstofnana að slíkum reikni. Sú vinna er því í gangi en erfitt að segja hvenær niðurstaða fæst í málið.
Sjá upplýsingar um Matarspor Eflu hér.
Hvar finnum við upplýsingar um kolefnisspor vefsíða?
Á síðunni Website Carbon.
Hvar finnum við upplýsingar um það sem hafa skal í huga þegar flutt er í nýtt húsnæði?
Við höfum tekið saman nokkra punkta, sjá undir Vinnugögn hér.
Flensborg tekur skrefin
Flensborgarskólinn í Hafnafirði hefur skráð sig til leiks í Grænum skrefum og bætist þar með í stóran hóp framhaldsskóla sem bæst hafa í hópinn undanfarið.
Við hlökkum til samstarfsins og óskum skólanum velfarnaðar á grænni og vænni braut.
Kvikmyndasafn Íslands gengur til liðs við Grænu skrefin
Við bjóðum Kvikmyndasafn Íslands velkominn í Græn skref!
Hjá Kvikmyndasafni Íslands starfa 9 manns. Meginhlutverk safnsins er að safna, skrásetja og varðveita íslenskar kvikmyndir; hafa eftirlit með skilum kvikmyndaefnis og standa fyrir sýningum á innlendri og erlendri kvikmyndalist. Kvikmyndasafn Íslands er fyrst og síðast varðveislusafn og er ekki opið fyrir almenning í sama skilningi og önnur söfn en á heimasíðu þeirra má sjá margar skemmtilegar klippur sem við mælum með að skoða.
Við hlökkum mikið til að vinna að Grænu skrefunum með starfsmönnum Kvikmyndasafns Íslands!
Velkomin, Sinfóníuhljómsveit Íslands!
Virkilega gaman að fá til leiks í Grænu skrefunum sjálfa Sinfóníuhljómsveit Íslands! Sinfónían er til húsa í Hörpu og eru starfsmenn 109 talsins. Sinfónían var stofnuð árið 1950 og hefur um árabil verið í fremstu röð hljómsveita á Norðurlöndum. Hlökkum til að stíga græn skref með ykkur!
Morgunverðarfundur fer fram í netheimum
Á miðvikudaginn ætlum við að hittast á morgunverðarfundi frá kl.9-11:45. Vegna ástandsins í samfélaginu verður fundurinn fjarfundur og munu allir tengiliðir fá sendan Teams hlekk. Ef þig vantar hlekk þá skaltu endilega hafa samband við okkur á graenskref@graenskref.is. Fundurinn verður með öðru sniði en aðrir fjarfundir okkar til þessa en hann verður „hefðbundinn“ Teams fundur, þ.e.a.s. allir geta verið í mynd og tjáð sig. Dagskráin er afar spennandi og munum við brjóta upp hið hefðbundna fyrirlestrarform inn á milli til að halda okkur á tánum!
9:00 Staða Grænu skrefanna og umbætur á aðgerðum
Þorbjörg Sandra Bakke
9:15 Spurningar og svör
9:25 Grænu skrefin hjá Þjóðskjalasafni Íslands
Anna Elínborg Gunnarsdóttir
9:35 Grænu skrefin hjá Vatnajökulsþjóðgarði
Agnes Brá Birgisdóttir
9:45 Spurningar og svör
10:00 Uppbrot
Björgvin Páll Gústavsson, handboltamaður og öndunarþjálfari
10:10 Kaffipása
10:20 Vinnustofa um umbætur á aðgerðum Grænna skrefa
Starfsmenn Grænna skrefa leiða umræður með þátttakendum
11:00 Aðgerðaáætlun stjórnvalda í loftlagsmálum
Anna Sigurveig Ragnarsdóttir, sérfræðingur á skrifstofu loftslagsmála hjá umhverfis- og auðlindaráðuneyti
11:20 Umræður
11:45 fundi slitið
Hlökkum til að skjá ykkur!
Fjölbrautaskóli Suðurnesja ætlar að feta Grænu skrefin
Það er frábært að sjá hversu margir framhaldsskólar hafa bæst í hóp þeirra stofnana sem ætla að stíga Grænu skrefin og bjóðum við þann nýjasta – Fjölbrautaskóla Suðurnesja – innilega velkominn til leiks. Í umhverfisstefnu skólans kemur fram að meginmarkmiðið sé „að skapa umhverfisvænt en jafnframt hlýlegt umhverfi sem bæði nemendur og starfsfólk skólans beri virðingu fyrir og finnist gott að starfa í.“ Við hlökkum til að vinna að þessu markmiði með öllum 98 starfsmönnum skólans.
Íslandspóstur skráir sig til leiks
Við bjóðum Íslandspóst velkominn í Græn skref!
Hjá Íslandspósti starfa 768 manns á 33 starfstöðvum. Það eru því fáir vinnustaðir sem hafa jafn margar tengingar um landið eins og Pósturinn og frábært að hann ætli að stíga skrefin með okkur.