Við minnum ykkur kæru Grænskrefungar á skil á Grænu bókhaldi, en fresturinn er nú sem fyrr 1. apríl. Grænt bókhald er grunnurinn að okkar umhverfisstarfi, með því að halda utan um notkun og innkaup á vörum og þjónustu getum við betur áttað okkur á umhverfisáhrifunum sem starfsemin hefur og sett okkur markmið um bætta frammistöðu.
Hér eru nánari upplýsingar um Græna bókhaldið.
Nú höfum við birt kynningarefni um matarsóun undir vinnugögnum. Þar má finna glærukynningu um matarsóun sem nota má fyrir fræðsluerindi, myndband um nokkur húsráð gegn matarsóun, auk þess sem hægt er að panta „Notaðu nefið“ plakat hjá okkur sem hengja má upp til áminningar.
Við hvetjum þátttakendur til að nýta sér efnið og deila með starfsfólki!
Minnum einnig á segla og límmiða sem ykkur býðst að panta ykkur að kostnaðarlausu.
Segull – húsráð gegn matarsóun
Áminningarmiði – minnkum matarsóun – íslenska
Áminningarmiði – minnkum matarsóun – enska
