Sýslumaðurinn á Vesturlandi stígur annað skrefið

/in /by

Á dögunum steig embætti Sýslumannsins á Vesturlandi annað Græna skrefið. Við óskum þeim kærlega til hamingju með flottan árangur!

Til að ljúka öðru skrefinu kláruðu starfsmenn Sýslumannsins á Vesturlandi meðal annars að skila Grænu bókhaldi sem gaf þeim áætlun af losun gróðurhúsalofttegunda sem verður vegna þeirra starfsemi. Í kjölfarið settu þau sér loftslagsstefnu með mælanlegu markmiði um 40% samdrátt í losun vegna reksturs embættisins fyrir árið 2030 miðað við árið 2020. Samhliða þessu lögðust þau í ýmis konar umbætur til þess að gera reksturinn umhverfisvænni svo sem innkaupagreiningu og bætta flokkunaraðstöðu.

Við óskum þeim aftur til hamingju og hlökkum til að sjá þau stíga næstu skref!

Hér má sjá starfsmenn Sýslumannsins á Vesturlandi fagna áfanganum

Kynningarfundur um ný hjálpargögn við gerð loftslagsstefnu

/in /by

Umhverfisstofnun hefur útbúið tvö ný hjálpargögn sem nota má við gerð markmiðasetningar og aðgerðaáætlunar fyrir loftslagsstefnu. Annars vegar er um að ræða aðgerðabanka sem hefur að geyma dæmi um aðgerðir sem stofnanir geta valið úr og skiptast þær eftir losunarþáttum. Hins vegar er um að ræða excel skjal sem auðveldar stofnunum að nýta niðurstöður Græns bókhalds til þess að sjá hversu mikill samdráttur er nauðsynlegur í hverjum losunarþætti fyrir sig svo að heildarmarkmiði í samdrætti losunar gróðurhúsalofttegunda sé náð.

Í tilefni af útgáfunni verður haldin stuttur rafrænn kynningarfundur þann 29. júní kl. 13:00-13:30. Fundurinn verður tekinn upp og birtur á vef Grænna skrefa fyrir þá sem sjá sér ekki fært að mæta.

Allir eru velkomnir en þó sérstaklega ríkisaðilar sem vinna í gerð loftslagsstefnu.

Tengjast má viðburðinum hér.