Ferðamálastofa er nýr þátttakandi í Grænu skrefunum
Báðar starfsstöðvar Ferðamálastofu (Reykjavík og Akureyri) hafa nú skráð sig til þátttöku í Grænum skrefum. Umhverfismál eru ekki ný af nálinni hjá þeim en þau hafa til dæmis veitt umhverfisverðlaun til ferðamannastaða eða fyrirtækja í ferðaþjónustu síðan 1995. Stofnunin rekur einnig gæða- og umhverfiskerfið Vakann fyrir íslenska ferðaþjónustu. Velkomin í verkefnið með okkur 🙂
Vínbúðin í Smáralind er komin með skref 2
Þau voru eldsnögg í Vínbúðinni í Smáralind að næla sér í annað Græna skrefið. Til hamingju með flottan árangur 🙂
Sumarfrágangur
Það er alltaf gott að hafa nokkur atriði í huga þegar við förum í frí. Gætum þess að vera ekki að nýta auðlindirnar okkar (hiti, rafmagn) á meðan enginn er að „njóta“ þeirra 🙂
Vínbúðirnar á Flúðum, Hellu og Hvolsvelli komnar með tvö skref
Starfsmenn Vínbúðanna á Flúðum, Hellu og Hvolsvelli standa sig með stakri prýði og eru komnar með viðurkenningu fyrir tvö fyrstu Grænu skrefin. Í spjalli við Maríu á Flúðum sagði hún að verkefnið hefði gert það að verkum að hún hefur fært þessa hugsun inn á heimilið sitt. Nýting í Vínbúðunum og ÁTVR er ofsalega mikil og fer um 90% úrgangs í endurvinnslu frá þeim. Lífrænn úrgangur á Hvolsvelli fer t.d. í mykjuhaug þar sem hann rotnar og er svo borinn á túnin, öll blöð sem þarf að prenta á eru nýtt aftur í prentarann eða í krassblöð og svo mætti lengi telja. Glæsileg vinna hjá þeim á suðurlandinu.
