Vínbúðin í Hveragerði hefur lokið öllum skrefunum
Vínbúðin í Hveragerði fékk í morgun viðurkenningu fyrir að ljúka síðustu þremur Grænu skrefunum. Nú er innleiðingarferlinu lokið hjá þeim og við tekur að viðhalda því góða starfi sem þær hafa unnið. Endurnýting og endurvinnsla fær stóran sess í starfi þeirra og skila þær jafnvel bréfaklemmum aftur í bankann. Vel gert og til hamingju 🙂
Ekki flækja hlutina um og of
Ef við getum sent út skilaboð með auðveldum og einföldum hætti þá eigum við að drífa í því. Við eigum ekki öll að vera í því að finna upp hjólið og þá er mikilvægt að notast við hluti sem einhver annar hefur gert eða gefur okkur hugmyndir. Umhverfisnefndin hjá fjármála- og efnahagsráðuneyti nýtir t.d. leiðbeiningar Grænna skrefa til að senda sem áminningar mola til sinna starfsmanna. Einfalt og gott 🙂
Isavia Flugfjarskipti eru á grænu flugi
Aðeins einum mánuði eftir að Flugfjarskipti fengu viðurkenningu fyrir fyrsta og annað Græna skrefið eru þau búin að ljúka þriðja skrefinu með glæsibrag. Mikill hugur er í starfsfólkinu að ljúka innleiðingu skrefanna fljótt og vel og þá helst í vor. Innilega til hamingju með árangurinn 🙂
Rusl er auðlind
Í árlegri tiltekt hjá Umhverfisstofnun snýst dagurinn um að finna not fyrir hluti sem ekki nýtast okkur lengur, fremur en að henda.
– Möppur fóru til fyrirtækja í húsinu okkar á Suðurlandsbraut og til Stúdentaráðs Háskóla Íslands
– Ómerkt föt fóru til Samhjálpar
– Merkt föt fóru til Rauða krossinns sem síðan fara til Hvíta- Rússlands
– Þunnar plastmöppur fara til grunnskóla
– Ruslafötur og kaffimál fóru í Góði hirðirinn
Græn Samgöngustofa
Samgöngustofa er 37 stofnunin sem tekur þátt í verkefninu með okkur. Við hlökkum mikið til að vinna með öllum 140 starfsmönnunum 🙂