Vínbúðin í Spönginni er komin með tvö Græn skref
Vínbúðin í Spönginni var að ljúka við tvö fyrstu Grænu skrefin. Eins og í öðrum Vínbúðum þá er umhverfisvitund starfsmanna mikil og vel unnið að öllum málum. Innilega til hamingju
Vínbúðin á Hólmavík er komin með tvö Græn skref
Vínbúðin í Hólmavík hefur lokið við innleiðingu tveggja Grænna skrefa. Gaman að segja frá því að Vínbúðin og verslun KSH deila sama húsnæðinu og því ná skrefin til enn fleiri aðila. Það er einmitt það sem við viljum að gerist að starfsmenn og stofnanir breiði út boðskapinn. 
Hreinsum strandlengjuna með Bláa hernum
Samtökin Blái herinn hefur um langt skeið staðið að hreinsunum á strandlengjum við Ísland. Eins og við vitum er hreint haf og strendur mikið hagsmunamál fyrir Ísland og skiptir miklu máli að við tökum höndum saman, sýnum gott fordæmi og hreinsum upp eftir okkur. Næsta hreinsun er á miðvikudaginn 31. ágúst 2016. Boðið er uppá rútuferðir kl. 11.00 og komið verður tilbaka um 18.00.
Vínbúðin í Smáralind hefur náð öllum 5 skrefunum
Glæsileg frammistaða hjá Vínbúðinni í Smáralind en þau voru að ljúka við þriðja, fjórða og fimmta Græna skrefið. Þau eru fyrsta Vínbúðin til að gera slíkt. Starfsmenn Vínbúðarinnar eru afar áhugasamir um umhverfismál og leggja sig virkilega fram um að gera alltaf betur. Innilega til hamingju með áfangann 🙂
Velkomin í Grænu skrefin Alþingi
Alþingi er nýjasti þátttakandinn í verkefninu okkar. Við erum afar glöð með að löggjafarvaldið okkar er með okkur í þessu verkefni og hlökkum til að vinna með þeim.
Plast eða ekki plast? það er stóra spurningin
Við fáum oft spurningar um flokkun og þá sérstaklega hvort plast sé plast, málmur eða eitthvað annað. Góð og auðveld aðferð til að greina þetta í sundur er að krumpa umbúðirnar og ef þær halda því lagi þá eru þær úr málmi eða meirihluti innihaldsins er málmur. Ef umbúðin sprettur aftur í sundur í nánast upprunalegt form þá er það plast. Þar af leiðandi erum við að flokka t.d. snakkpoka og suma kaffipoka í plast. Hér er hægt að sjá stutt myndband sem sýnir aðferðina.
Handbók um vistvæn opinber innkaup
Áætlað er að opinberar stofnanir íslenska ríkisins noti um 150 milljarða í innkaup á hverju ári og 300 milljarða ef sveitarfélög eru meðtalin. Því gefur að skilja að skynsöm vistvænni innkaup geta haft mikil áhrif við að draga úr umhverfisáhrifum. Sem dæmi má nefna að framfylgd stefnu um vistvæn opinber innkaup í Austurríki hefur minnkað losun CO2 um 20% eða 124 tonn og dregið úr orkunotkun um 20%. Út er komið 3ja útgáfa af handbók um opinber vistvæn innkaup frá Evrópusambandinu sem stofnanir og aðrir geta nýtt sér við innkaup sín (sjá hér).
