Náttúrufræðistofnun Íslands í Urriðaholti fékk fjórða Græna skrefið sitt í dag en aðeins er um eitt ár síðan þau fengu fyrsta Græna skrefið. Frábær vinna hjá þeim á ekki lengri tíma. Húsnæði stofnunarinnar er með BREEAM vottun fyrir vistvænar byggingar og svo er endurnýting hjá stofnuninni til fyrirmyndar. Þau endurnýta gamlar tölvur, gömul gróðurkort, tunnur, glerkrukkur, matarafganga og margt annað fyrir rekstur sinn. Vel gert NÍ 🙂

Til hliðar við peningastefnu, stýrivexti, afnám hafta og aðrar skyldur Seðlabankans ætla þau að vinna að því að minnka umhverfisáhrif bankans enda eins og við vitum þá er fjárhagslega hagkvæmt að vinna að umhverfismálum 🙂 Velkomin í verkefnið!

Hér er góð og auðskilin umfjöllun um ágæti umhverfisvottaðra vara. Með því að velja umhverfisvottaða vöru erum við að hvetja til þess að fleiri slíkar vörur verði framleiddar. Þar hefur hið opinbera mikinn mátt vegna þess magns sem keypt er inn á ári hverju. Það skiptir líka máli að vörurnar sem við vinnum með eða eru inni á heimilum okkar dreifi ekki skaðlegum efnum, bæði fyrir heilsu okkar og umhverfi. Einnig skiptir máli hversu vel gengur að endurvinna vöruna eða hvort hún leki mögulega eiturefnum þegar hún er urðuð. Til þess að vörur geti fengið umhverfisvottun er þess gætt í öllu framleiðsluferli hennar að hún hafi sem minnst skaðleg áhrif á umhverfið okkar.

Vissuð þið að það þarf aðeins að kaupa u.þ.b.10 pakka af AA rafhlöðum svo það borgi sig að kaupa frekar hleðslutæki og AA hleðslurafhlöður? Síðan notar maður hleðslurafhlöður aftur og aftur á meðan hinar eru einnota.
Skoðum notkunina okkar og kaupum hleðslutæki og rafhlöður þar sem notkunin er mikil. Í því felst bæði umhverfislegur og fjárhagslegur sparnaður.