Vefur um grænan lífsstíl
Umhverfisstofnun hefur haldið úti vefsíðu um grænan lífsstíl um árabil. Nýverið lauk endurskoðun á vefnum og er hér hægt að skoða leiðbeiningar og hugmyndir að því hvernig við tileinkum okkur grænni lífsstíl.
Þrjú skref hjá Ljósafossi
Orkusýningin Ljósifoss fékk afhenta viðurkenningu fyrir innleiðingu á 3 fyrstu Grænu skrefunum. Landsvirkjun er í markvissri vinnu með Grænu skrefin og eru að vinna að mörgum spennandi verkefnum. Næst ætla þau að leggja áherslu á að virkjanirnar á Sogssvæðinu innleiði Grænu skrefin.
Velkomin í verkefnið Framkvæmdasýsla ríkisins
Nú er Framkvæmdasýsla ríkisins nýjasti meðlimurinn Grænna skrefa en fer hún með það mikilvæga hlutverk sem eru allar opinberar framkvæmdir ríkisins. Markmið þeirra er meðal annars að auka gæði framkvæmdanna en hluti af því getur að sjálfsögðu verið að framkvæmdir verði umhverfisvænni.
Sjúkrahúsið á Akureyri í Grænum skrefum
Það er mjög ánægjulegt að svo stór vinnustaður eins og Sjúkrahúsið á Akureyri sé þátttakandi í Grænu skrefunum. Stofnanir á Akureyri hafa verið mjög ötular við að vinna að umhverfismálum og hlökkum við mikið til að vinna með þeim.
Uppfærð útgáfa af grænu bókhaldi
Nú er tilbúin uppfærð útgáfa af grænu bókhaldi sem nær til ársins 2020. Nokkrar breytingarnar voru gerðar sem fólust í að leiðbeiningar eru ítarlegri, aukin áhersla var lögð á losunartölur þar sem það var hægt og verður áfram gert í næstu uppfærslum. Nýjum flipa fyrir samgöngusamninga var bætt við, enda á áherslan okkar að vera á umhverfisvænni samgöngur. Einnig var reitum fyrir markmiðasetningu bætt við skjalið en stofnanir eru hvattar til að setja sér markmið á hverju ári og vinna markvisst að því að ná þeim. Við vonum að skjalið nýtist stofnunum vel og viljum endilega fá ábendingar um lagfæringar. Svo er um að gera að breyta og bæta skjalið eftir þörfum. Sjá hér nýja útgáfu.
Velkomin í verkefnið Menntamálastofnun
Það er afar ánægjulegt að fá Menntamálastofnun til liðs við okkur. Menntun barna og ungmenna í umhverfismálum er eitt það mikilvægasta sem hægt er að gera til að vinna gegn ofnýtingu auðlinda og loftslagsbreytingum. Menntun og fræðsla skiptir höfuðmáli í því hvort okkur muni takast að snúa við á þessari braut.
5 skref hjá Vínbúðinni í Garðabæ
Þá er næst síðast Vínbúðin búin að fá afhenta viðurkenningu fyrir innleiðingu á öllum 5 Grænu skrefunum. Innilega til hamingju með árangurinn 🙂
Skrifstofustarfsemin á Háskólatorgi náði sínu fyrsta skrefi
Undir skrifstofustarfsemina ná nemendaskráning, námsráðgjöf, Alþjóðaskrifstofa háskólastigsins og svo eru Félagsstofnun stúdenta og Stúdentaráð einnig með aðsetur þar. Það eru því ýmsir aðilar sem hafa komið að innleiðingu skrefanna og jákvæðni mikil í garð þess. Á móti viðurkenningunni tóku Anna Birna Halldórsdóttir þjónustustjóri Háskólatorgs og Þorbjörg Bakke verkefnastjóri sjálfbærni- og umhverfismála í HÍ.
55 þátttakendur í verkefninu
Menntaskólinn á Egilsstöðum er kominn í verkefnið og hlökkum við mikið til að vinna með þeim 🙂
Fyrsta skrefið hjá ISOR
Íslenskar Orkurannsóknir voru að fá afhenta viðurkenningu fyrir fyrsta Græna skrefið. Í því tilefni var haldin veisla þar sem verðlaun voru veitt til bestu hugmyndarinnar um umhverfisvænni vinnustað. Lífrænar veitingar og rafbílar voru þar efst í hugum manna. Innilega til hamingju með árangurinn 🙂
