Eins og staðan er núna geta einungis stofnanir og fyrirtæki í meirihlutaeigu ríkisins skráð sig til leiks. Vonandi getum við með tíð og tíma boðið fleiri aðilum í verkefnið. Hinsvegar er efni Grænna skrefa opið öllum og hvetjum við þá sem vilja til að nýta sér það og stuðla þar með að bættri umgengni við umhverfið.

Umfang verkefnisins fer eftir stærð vinnustaðarins og hvort nú þegar hafi verið stigin skref í þágu umhverfisins. Aðgerðirnar miða að venjulegri skrifstofustarfsemi en ef stofnanir vilja teygja þær yfir aðra kima starfseminnar þá hvetjum við að sjálfsögðu til þess.

Við mælum með því að byrja á því að lesa sig í gegnum aðgerðirnar í hverju skrefi fyrir sig. Fyrir marga vinnustaði er þetta lítið mál, á meðan aðrir þurfa meiri tíma.

Við mælum með því að þið kynnið ykkur aðgerðir skrefanna vel, en þær finnið þið undir Vinnugögn.

Þegar tekin hefur verið ákvörðun um þátttöku í verkefninu er hægt að skrá stofnunina til leiks með því að velja flipann Taktu skrefið hér fyrir neðan og fylla inn upplýsingar um tengilið og vinnustað. Eftir að stofnunin hefur skráð þátttöku sína fær tengiliður nánari leiðbeiningar sendar í pósti.

Þegar stofnun hefur skráð sig til leiks er mikilvægt að setja saman teymi sem fer fyrir innleiðingu verkefnisins á vinnustaðnum. Best er ef 3-5 manns eru í teyminu. Teymið kynnir sér verkefnið vel og skoðar gátlistann sem er að finna undir Vinnugögn. Svo er hafist handa við að uppfylla aðgerðir fyrsta skrefs (eða fleiri ef vilji er til þess að taka fleiri en eitt skref í einu). Þegar teymið telur sig hafa uppfyllt yfir 90% aðgerða er gátlistinn sendur á starfsmenn Grænna skrefa sem fara yfir og gefa stig fyrir þær aðgerðir sem þeir telja uppfylltar. Þegar yfir 90% aðgerða eru uppfylltar eftir yfirferð er bókaður tími í úttekt. Ef allt stenst í úttekt kemur starfsmaður Grænna skrefa aftur í heimsókn og veitir stofnun viðurkenningu fyrir að hafa lokið skrefi. Þá hefst teymið handa við að innleiða næsta skref!

Við mælum með því að allar starfsstöðvar séu samstíga í verkefninu. Það skapar meiri samstöðu og samvinnu og tryggir að allt starfsfólk finni að það sé hluti af verkefninu. Auk þess eru margar aðgerðir þess eðlis að þær eru innleiddar miðlægt og því mun betra ef öll stofnunin er að vinna í verkefninu á sama tíma. Annaðhvort eru þá tengiliðir af hverri starfsstöð sem eru í samskiptum við miðlæga teymið sem fer fyrir innleiðingu verkefnisins eða þá að tengiliðir hverrar starfsstöðvar hreinlega mynda þetta miðlæga teymi.

Við hvetjum að sjálfsögðu til þess að allar aðgerðir séu innleiddar í starfsemina en til að fá úttekt og síðar meir viðurkenningu þarf að uppfylla a.m.k 90% aðgerða hvers skrefs.

Ef aðgerð á ekki við, er hægt að setja útskýringu inn í skjalið um hvers vegna svo sé ekki.

Í einhverjum tilfellum er hægt að finna aðrar leiðir til að uppfylla markmiðin í samráði við starfsmenn Grænna skrefa hjá Umhverfisstofnun.

Þegar gátlistinn hefur verið yfirfarinn af starfsmönnum verkefnisins er úttekt bókuð. Starfsmaður kemur þá í heimsókn á viðkomandi starfsstöð og sannreynir að aðgerðir hafi verið uppfylltar. Í upphafi sest teymi Grænna skrefa hjá stofnuninni niður með starfsmanni og ræðir framgang verkefnisins. Svo er gengið um vinnustaðinn. Eftir úttekt sendir starfsmaður Grænna skrefa úttektarpunkta á teymið og ef allt er í góðum málum er bókaður tími í viðurkenningarafhendingu.

Heldur betur!

Umhverfisstofnun fer með umsjón Grænna skrefa og eru starfsmenn verkefnisins hjá stofnuninni þrír; Birgitta Steingrímsdóttir, Hildur Harðardóttir og Þorbjörg Sandra Bakke.

Vara eða þjónusta sem hlotið hefur vottun samkvæmt áreiðanlegu umhverfismerki tryggir neytendum vitneskju um að hún sé það besta fyrir umhverfið og heilsu þeirra.

Áreiðanleg umhverfismerki eiga það sameiginlegt að:

• Þau eru valfrjáls leið til að markaðsetja umhverfiságæti vöru eða þjónustu
• Úttekt er sinnt af óháðum, þriðja aðila
• Viðmið eru sértæk og þróuð af sérfræðingum
• Viðmiðin byggja á lífsferilsnálgun, þ.e. gera kröfur til hráefnis, framleiðslu, notkunar og förgunar
• Viðmið eru hert á nokkurra ára fresti sem tryggir sífelldar betrum bætur á vörunni eða þjónustunni

Sjá umfjöllun um vottanir og merkingar á heimasíðu Umhverfisstofnunar, grænn.is.

Nei það eru þau ekki. Græn skref er verkefni sem stofnanir fá viðurkenningu fyrir að innleiða. Vottun krefst alltaf formlegrar staðfestingar óháðs þriðja aðila.

Starfsmenn verkefnisins reyna að fara í alla landshluta einu sinni á ári og skipuleggja sig þannig að hægt sé að fara í sem flestar úttektir á hverjum stað. Ef starfsmaður kemst ekki í úttekt reynir hann að senda sérfræðing frá Umhverfisstofnun sem starfar í viðkomandi landshluta eða taka úttektina í gegnum fjarfundarbúnað. Mikil reynsla er komin á fjarúttektir og hafa þær gefist vel.

Markmiðið með fimmta skrefinu er að tryggja að stofnunin viðhaldi öflugu umhverfisstarfi eftir að öll skref hafa verið uppfyllt. Með því að fylgja aðgerðum fimmta skrefsins geta stofnanir byggt upp umhverfisstjórnunarkerfi sem er aðlagað daglegri starfsemi. Aðgerðirnar eru einfölduð útgáfa af ISO 14001, sem þýðir að einfalt er að bæta við og fá vottað umhverfisstjórnunarkerfi.

Græna bókhaldinu er skilað inn á Gagnagátt Umhverfisstofnunar. Gott er að nota excel skjal Græns bókhalds sem vinnuskjal þar sem hægt er að skrá hjá sér forsendur og aðrar upplýsingar auk þess sem hægt er að bæta við þáttum.

Nei. Umhverfis- og auðlindaráðuneyti fjármagnar verkefnið og er þátttaka því stofnunum að kostnaðarlausu.