Annað skrefið hjá MTR
Menntaskólinn á Tröllaskaga fékk sitt langþráða annað skref afhent. Þau eru vel að viðurkenningunni komin 🙂
Öll níu ráðuneytin komin í Grænu skrefin
Frábærar fréttir, öll ráðuneytin eru komin í Grænu skrefin 🙂 Þau hafa líka sett sér það metnaðarfulla markmið að ljúka öllum fimm skrefunum um áramótin. Það er mikil jákvæðni gagnvart verkefninu í ráðuneytunum og menn í samhentu átaki. Í frétt frá umhverfis- og auðlindaráðuneytinu kemur einnig fram „Ríkisstjórnin hefur það að markmiði að vera til fyrirmyndar í loftslagsmálum og grænum ríkisrekstri og mun á næstu mánuðum vinna að ýmsum verkefnum sem tengjast því. Meðal annars verður sett loftslagsstefna fyrir Stjórnarráðið og markmið um markvissan samdrátt kolefnisspors ráðuneyta og Rekstrarfélagsins. „
Hjólað og hjólað og hjólað
Forsætisráðuneytið keypti hjól fyrir starfsmenn sína í vor og hefur það verið í nánast daglegri notkun síðan. Svo mikil ánægja er með nýja samgöngutækið að verið er að skoða kaup á öðru hjóli og þá mögulega rafhjól.
Fimm skref í höfn
Þessi glæsilegi hópur hjá Umhverfis- og auðlindaráðuneytinu fagnaði 5 Græna skrefinu og 140001 vottun fyrir umhverfisstjórnunarkerfi sitt. Innilega til hamingju með frábæran árangur.
Endurnotkun og endurnýting
Eitt það mikilvægasta sem við getum gert til að draga úr umhverfisáhrifum er að draga úr óþarfa innkaupum. Það getum við gert með því að fá hluti lánaða eða notaða hluti gefins. Það er líka yfirleitt hægt að finna einhvern sem getur notað áfram það sem við þurfum að losna við. Með því að gefa okkur smá tíma í stutt hugarflug, drögum við úr sóun auðlinda, minnkum umhverfisáhrif og styrkjum hringrásarhagkerfið. Hvað með góðgerðarsamtök, leikskóla, háskóla, eða einhver sem er að hefja rekstur? Það þarf bara að gefa sér smá tíma og jafnvel samtal við aðra til að finna fullkominn aðila til að taka við notuðum hlutum og veita þeim framhaldslíf 🙂
Nýr þátttakandi
Þjóðgarðurinn á Þingvöllum er nýjasti meðlimur Grænna skrefa og hlökkum við mikið til samstarfsins. Þjóðgarðurinn á Þingvöllum var stofnaður með lögum árið 1930 en þar er kveðið á um að Þingvellir við Öxará skuli vera friðlýstur helgistaður allra Íslendinga. Áskoranir í Þjóðgarðinum eru margar og er hann undir miklu álagi allt árið. Það verður því gaman að fylgjast með innleiðingu umhverfismála á okkar helgasta stað og þar sem flestir ferðamennirnir fara um.
Aðgerðir Grænna skrefa uppfærðar
Síðustu mánuði höfum við verið að uppfæra Grænu skrefin (sjá undir vinnugögn). Aðgerðir sem þóttu ekki eiga við lengur voru teknar út og aðrar lagfærðar, eða aðgerðum bætt við. Heilt yfir má segja að kröfurnar hafi verið þyngdar aðeins og það mun verða erfiðara fyrir einhverjar stofnanir að ná öllum skrefunum. Ástæða þess er að þær áskoranir sem við stöndum frammi fyrir eru miklar og því eðlilegt að vinna við að draga úr umhverfisáhrifum sé í takt við þær. Grunnurinn að verkefninu er þó áfram sá að sem flestar stofnanir taki þátt í verkefninu og vinni markvisst að umhverfismálum og munum við aðstoða við það eins og hægt er.
Okkur langar að biðja ykkur sem eru þegar í vinnu við innleiðingu verkefnisins að skipta eldri gátlista út fyrir nýrri. Héðan í frá munum við gera úttektirnar byggðar á uppfærðum aðgerðum.
Gangi ykkur vel og munið að hafa samband ef eitthvað er.
Framkvæmasýslan með sitt fyrsta skref
Framkvæmdasýsla ríkisins var að fá afhenta viðurkenningu fyrir fyrsta Græna skrefið. Þau eru vel að þessari viðurkenningu komin enda umhverfismál orðin nokkuð rótgróin hjá þeim og breytingarnar voru í þetta sinn frekar litlar.
Nánast hægt að flokka allt
Starfsmenn hjá Framkvæmdasýslu ríkisins vita nánast ekki hvað almennt sorp er, enda fellur nánast ekkert slíkt til hjá þeim. Þar er nánast allt flokkað enda er almenna sorpið í pínulítilli fötu. 
Viðtal á Hringbraut
Hvað er grænt bókhald og Græn skref í ríkisrekstri spyr Linda Blöndal, Hólmfríði Þorsteinsdóttur verkefnisstjóra. Viðtalið byrjar á mín 17:40 fyrir þá sem hafa áhuga.