Á ársfundi Umhverfisstofnunar 29. apríl s.l., afhenti Sigrún Magnúsdóttir umhverfis- og auðlindaráðherra fjórum starfsstöðvum Umhverfisstofnunar viðurkenningu Grænna skrefa. Fulltrúar starfsstöðvanna tóku við viðurkenningunum (frá vinstri) Þórdís Vilhelmína Bragadóttir frá Vestmannaeyjum (3 Græn skref), Birna Reynisdóttir frá Þjóðgarðinum Snæfellsjökli (5 Græn skref), Jón Smári Jónsson frá Ísafirði (5 Græn skref)  og Jóhann G. Gunnarsson frá Egilsstöðum (5 […]

Nú er Vínbúð Seyðisfjarðar komin í hóp þeirra Vínbúða sem komnar eru með tvö Græn skref. Innilega til hamingju með áfangann og gangi ykkur vel í framhaldinu.

Enn fjölgar þátttakendum í Grænu skrefunum sem er mikið gleðiefni. Háskóli Íslands hefur nú skráð sig til þátttöku en um afar stóran vinnustað er að ræða, eina 1600 starfsmenn og um 13.000 nemendur. Við hlökkum til samvinnu við Háskólann og bjóðum hann velkominn í verkefnið 🙂

Í fyrsta Græna skrefinu er gerð krafa um að stofnanir kaupi ekki og noti einnota drykkjarmál eða borðbúnað. Í einhverjum tilfellum þó getur verið að annað sé ekki hægt en almennt eigum við að forðast það að kaupa einnota hluti, sem gera ekkert annað en að auka úrgangsmyndun og nýtingu á þegar ofnýttum auðlindum okkar. […]

Starfsstöðvar Isavia vinna vel að Grænu skrefunum sínum og nú var það Flugstöð Leifs Eiríkssonar sem fékk afhent fyrsta Græna skrefið. Þau ganga hratt og vel til verka og verða örugglega ekki lengi að klára hin skrefin. Á myndinni eru: Hlynur Sigurðsson, Jófríður Leifsdóttir, Hólmfríður Þorsteinsdóttir, Helga Eyjólfsdóttir og Hrönn Ingólfsdóttir.