Við bjóðum Menntaskólann við Hamrahlíð velkominn í Græn skref! Skólinn hefur sett sér markmið um að efla umhverfisvitund í starfi sínu meðal annars með því að: stuðla að ábyrgri afstöðu til náttúrulegra gæða og auðlindanýtingar, glæða skilning á vistkerfum og sjálfbærri þróun, skapa tækifæri til útivistar í íslenskri náttúru, tengja umhverfismál við sögu og menningu […]
Á morgunverðarfundi Grænna skrefa spratt upp umræða um umhverfisvænar gjafir. Í þessu samhengi var til dæmis verið að velta því fyrir sér hvað væri græn jólagjöf frá vinnustaðnum til starfsmanna, þakklætisvottur til samstarfsaðila eða umhverfisvænn varningur eins og algengt er að gefa á t.d. ráðstefnum og kynningum (í dag er algengt að sjá buff, penna o.s.frv). […]
Skrifstofa sýslumanns í Vestmannaeyjum hefur skráð sig til leiks í Grænu skrefin og bjóðum við þau kærlega velkomin. Teymi Grænna skrefa hlakka mikið til að aðstoða við innleiðingu bætts umhverfisstarfs með þeim. Á skrifstofu sýslumannsins í Vestmannaeyjum starfa níu starfsmenn.
Við bjóðum skrifstofu sýslumanns á Suðurlandi hjartanlega velkomin í Grænu skrefin og hlökkum mikið til að vinna með þeim að bættu umhverfisstarfi. Skrifstofa sýslumannsins á Suðurlandi er með 25 starfsmenn á fjórum starfstöðvum.
Hluti af gerð loftslagsstefnu er að stofnanir setji sér skilgreind markmið um kolefnisjöfnun starfseminnar. Mikilvægt er að kolefnisjafna reksturinn með trúverðugum og ábyrgum hætti og velja verkefni sem hafa raunverulegan loftslagsávinning í för með sér. Við höfum tekið saman leiðbeiningar um viðmið, vottanir og seljendur kolefniseininga sem standast alþjóðlegar gæðakröfur. Leiðbeiningarnar finnið þið undir Vinnugögnum […]
Við bjóðum Menntaskólann á Akureyri velkominn til leiks. Í núgildandi umhverfisstefnu skólans stendur meðal annars „[k]eppa skal markvisst að því að starfsemi og rekstur skólans sé svo umhverfisvænn sem kostur er“ sem rímar vel við Grænu skrefin og verður góður grunnur að byggja á í starfinu sem framundan er. Við hlökkum til samstarfsins!
Þessa dagana stendur yfir yfirhalning á aðgerðum Grænna skrefa. Nauðsynlegt er að endurskoða aðgerðirnar reglulega með tilliti til fyrri reynslu og nýrrar þekkingar í umhverfismálum, og höfum við gert þetta á ca 2. ára fresti. Á morgunverðarfundi Grænna skrefa í síðustu viku skiptu þátttakendur sér niður í fjórar vinnustofur þar sem umbætur aðgerða voru ræddar. […]
Við þökkum kærlega fyrir góða þátttöku á morgunverðarfundi Grænna skrefa þann 21. október síðastliðinn. Hér að neðan finnið þið upptökur og glærur frá fundinum ásamt spurningum sem við leituðum svara við í kjölfar fundar. Vinnustofur voru ekki teknar upp en myndir af umræðuborðum má finna hér. Staða Grænu skrefanna og umbætur á aðgerðum – Þorbjörg […]
Flensborgarskólinn í Hafnafirði hefur skráð sig til leiks í Grænum skrefum og bætist þar með í stóran hóp framhaldsskóla sem bæst hafa í hópinn undanfarið. Við hlökkum til samstarfsins og óskum skólanum velfarnaðar á grænni og vænni braut.
Við bjóðum Kvikmyndasafn Íslands velkominn í Græn skref! Hjá Kvikmyndasafni Íslands starfa 9 manns. Meginhlutverk safnsins er að safna, skrásetja og varðveita íslenskar kvikmyndir; hafa eftirlit með skilum kvikmyndaefnis og standa fyrir sýningum á innlendri og erlendri kvikmyndalist. Kvikmyndasafn Íslands er fyrst og síðast varðveislusafn og er ekki opið fyrir almenning í sama skilningi […]
Virkilega gaman að fá til leiks í Grænu skrefunum sjálfa Sinfóníuhljómsveit Íslands! Sinfónían er til húsa í Hörpu og eru starfsmenn 109 talsins. Sinfónían var stofnuð árið 1950 og hefur um árabil verið í fremstu röð hljómsveita á Norðurlöndum. Hlökkum til að stíga græn skref með ykkur!
Á miðvikudaginn ætlum við að hittast á morgunverðarfundi frá kl.9-11:45. Vegna ástandsins í samfélaginu verður fundurinn fjarfundur og munu allir tengiliðir fá sendan Teams hlekk. Ef þig vantar hlekk þá skaltu endilega hafa samband við okkur á graenskref@graenskref.is. Fundurinn verður með öðru sniði en aðrir fjarfundir okkar til þessa en hann verður „hefðbundinn“ Teams fundur, […]
