Stjórnarráðið dregur úr einnota poka notkun
Stjórnarráðið vinnur nú að því að draga úr einnota plastpokanotkun hjá öllum ráðuneytunum og hefur Rekstrarfélagið fundið þessa lausn fyrir pappír til endurvinnslu. Í stað einnota plastpoka eru komnir taupoka sem eru svo notaðir aftur og aftur.
Met skil á grænu bókhaldi
34 stofnanir skila nú grænu bókhaldi og hafa þær aldrei verið fleiri. Þar með talin eru öll ráðuneytin. Bókhaldið byggir á upplýsingum um umhverfisáhrif ríkisstofnana og nær nú til u.þ.b. 10.000 starfsmanna ríkisins. Með bættum skilum á grænu bókhaldi verður auðveldara að leggja mat á heildarumhverfisáhrif og losun gróðurhúsalofttegunda vegna reksturs ríkisstofnana.
Auk þess að draga úr neikvæðum umhverfisáhrifum geta verkefnin nýst til að bæta ímynd stofnana, starfsánægja eykst vegna jákvæðra samfélagsáhrifa, tækifæri til sparnaðar og hagræðingar skapast og svo mætti lengi telja.
Níu starfsstöðvar Vinnueftirlitsins komnar með 1 skrefið
VIð óskum Vinnueftirlitinu til hamingju með fyrsta Græna skrefið en allar níu starfsstöðvar þeirra fengu viðurkenningu þess eðlið nú á starfsdögum þeirra. Flott vinna hafin hjá þeim og munu þau halda áfram með næstu skref.
FSR með tvö Græn skref
Framkvæmdasýsla ríkisins, innilega til hamingju með flottan árangur í Grænu skrefunum. Á einu ári eru þau búin að innleiða tvö skref svo til áreynslulaust, allavega eins og þetta lítur út fyrir okkur hin.
Notað eða nýtt?
Nú er Öskudagur handan við hornið og þá förum við mörg að gramsa í kössum en aðrir fara beint út í búð og kaupa nýjan búning fyrir tilefnið. Ef hluti stemmingarinnar er að kaupa nýjan búning eða okkur vantar búning, þá hvetjum við fólk til að kíkja í Rauðakrossbúðirnar við Hlemm, Mjódd og í Hafnarfirði en þar eru til sölu allskonar notaðir en heilir búningar. Við þurfum kannski ekki að kaupa búning sem við ætlum svo bara að nota 1-2 sinnum eða hvað?
Með Fjársýslu ríkisins eru þátttakendur orðnir 65 í GS
Velkomin í verkefnið, hlökkum til samstarfsins!
LBS-HBS komin með fyrsta Græna skrefið
Landsbókasafn Íslands- Háskólabókasafn hafa fengið viðurkenningu fyrir innleiðingu fyrsta Græna skrefsins. Þau eru vel að þessu komin og meira en það en nýtni og nægjusemi er allsráðandi hjá þeim. Umbúðir s.s. pappakassar eru nýttir, húsgögn eru bólstruð og lagfærð ásamt því að þau eru enn að nota um aldargömul tæki fyrir varðveislu á bókum og handritum.
FJR með þrjú skref
Fjármála- og efnahagsráðuneytið lauk nýverið við innleiðingu á öðru og þriðja Græna skrefinu. Innilega til hamingju með árangurinn.
Ferðamálastofa með fyrsta Græna skrefið
Ferðamálastofa hefur verið að vinna með umhverfismál í töluverðan tíma enda bjóða þau sjálf ferðaþjónustuaðilum uppá þátttöku í gæða- og umhverfiskerfinu Vakanum. Ferðamálstofa er því enginn nýgræðingur í umhverfismálum þó að eins og hjá flestum megi skerpa á ýmsum hlutum. Innilega til hamingju með árangurinn og nú styttist í skref 2 hjá þeim. Myndin er af starfsmannahópunum á Akureyri en báðar starfsstöðvar hafa lokið fyrsta skrefinu.
Snorri Valsson tók á móti viðurkenningunni á starfsstöðinni þeirra í Reykjavík.
Fyrsta skref SAK
Sjúkrahúsið á Akureyri var að fá afhenta viðurkenningu fyrir fyrsta Græna skrefið. Þær eru margar áskoranirnar sem sjúkrahúsið þarf að takast á við þegar kemur að umhverfismálum og oft ekki hægt að ganga alla leið vegna heilbrigðissjónarmiða og smitleiða. En gengið er eins langt í að draga úr innkaupum á einnota borðbúnaði, flokkun úrgangs alls staðar sem það er hægt og efnanotkun í lágmarki. Umhverfisvitund er mikil meðal starfsmanna, nýtni og endurnotkun líka. T.d. eru ekki keypt húsgögn og innréttingar fyrr en búið er að ganga úr skugga um að ekki sé lengur hægt að gera við, bólstra, mála eða skipta um íhluti lengur. Einnig er töluvert um það að þegar hlutir eiga sér ekki framhaldslíf á SAK þá fá starfsmenn þá til endurnotkunar. Hlökkum til að fylgjast með þeim áfram.