1 skref hjá Þjóðskrá á Akureyri
Nú eru báðar starfsstöðvar Þjóðskrár komnar með fyrsta Græna skrefið. Meiri umhverfisvitund og betri flokkun úrgangs er meðal þess sem hefur breyst hjá þeim við innleiðingu verkefnisins. Við hlökkum til áframhaldandi samstarfs.
Fjórða skref forsætisráðuneytisins
Forsætisráðuneytið var að fá afhenta viðurkenningu fyrir fjórða Græna skrefið. Þau hafa aldeilis tekið vel á umhverfismálunum en stóri þátturinn hjá þeim eru úrgangsmálin en þau hafa bæði aukið flokkun mikið og dregið úr magni úrgangs. Meiri umhverfisvitund og umræða innan ráðuneytisins og almenn áhersla á nýtni og endurnotkun hefur haft þessi góðu áhrif. Frábær árangur hjá forsætisráðuneytinu
Katrín Jakobsdóttir forsætisráðherra og hluti af umhverfishópnum, Elfa og Ólafía tóku á móti viðurkenningunni.
MNR með skiptibókamarkað og tvö Græn skref
Mennta- og menningarmálaráðuneytið hóf vinnuna við innleiðingu Grænna skrefa í september og fengu þau nú viðurkenningu fyrir tvö fyrstu Grænu skrefin. Ef eitthvað er hægt að segja um innleiðingu skrefanna hjá þeim er að það var frekar áreynslulaust enda ráðuneytið og starfsfólk þess vant því að huga að umhverfismálum, endurnotkun og nýtni í allri sinni starfsemi. Innkaup eru vel ígrunduð ef þá þarf að kaupa eitthvað inn eða gert við húsgögn. Innilega til hamingju með árangurinn. 
ANR komin með fjögur skref
Nú er atvinnuvega- og nýsköpunarráðuneyti komin með fjögur Græn skref og voru annað ráðuneytið til að komast svona langt. Innilega til hamingju með árangurinn. Þið eru vel að þessu komin.
Ríkisskattstjóri á grænni grein
Nýjasti þátttakandi í Grænum skrefum er Ríkisskattstjóri og er 64 stofnunin sem tekur þátt. Þar er um að ræða ansi stóra stofnun með yfir 200 manns í vinnu. Við hlökkum mikið til samstarfsins.
Örplast í maga fýla og í kræklingi
Í rannsókn á örplasti í maga fýla og í kræklingi sem Rannsóknasetur Háskóla Íslands á Suðurnesjum og Náttúrustofa Norðausturlands gerðu fyrir Umhverfisstofnun. Kom í ljós að plast fannst í maga um 70% fýla sem rannsakaðir voru og í 40-55% kræklinga. Sjá frétt og niðurstöður rannsóknanna hér. Örplastmengun í fýlum og kræklingi reyndist minni hér við land en í ýmsum öðrum löndum, en dragi ekki úr plastmengun mun plast í sjávarlífverum og fuglum að öllum líkindum aukast. Lausnirnar eru að draga úr neyslu á plasti, að allt plast fari til endurvinnslu og svo er afar mikilvægt að sveitarfélög bæti hreinsun á skólpi og ofanvatni til að koma í veg fyrir að örplast berist út í sjó.
Gleðileg og nægjusöm jól
Við hjá Grænu skrefunum og Umhverfisstofnun óskum ykkur gleðilegra jólahátíðar og þökkum fyrir ánægjulegt samstarf. Hlökkum til nýs og enn umhverfisvænna árs 2019! 🙂
Velferðarráðuneytið komið á Grænskrefa flug
Ráðuneytið hóf vinnu við Grænu skrefin af alvöru í sumar og hafa nú þegar fengið viðurkenningu fyrir fyrstu tvö þeirra. Þetta er frábær árangur hjá þeim á svo stuttum tíma og hefur umhverfishópurinn þeirra fengið aðra starfsmenn ráðuneytisins í verkefnið með sér bæði hvað varðar aðstoð við innleiðingu og hugmyndir að verkefnum. Svo þetta hefur sannarlega verið samhent átak hjá þeim. Vel gert og við hlökkum til að vinna áfram að verkefninu með þeim.
Fyrsti framhaldsskólinn með Græn skref
Við óskum Menntaskólanum við Sund innilega til hamingju með fyrstu tvö grænu skrefin, þau eru vel að þeim komin og voru í raun löngu byrjuð að vinna að flestu sem fram kemur í skrefunum enda starfsmenn almennt mjög umhverfisþenkjandi. Menntaskólinn við Sund var einnig fyrsti menntaskólinn sem gerði umhverfisfræði að skylduáfanga hjá sér. Þau jafnvel ganga svo langt í endurnýtingu hjá sér að trébretti eru nýtt í jólaskraut eins og myndin sýnir. Innilega til hamingju. 
Hljóðbókasafnið með fjögur skref
Frábær árangur hjá Hljóðbókasafni Íslands sem hefur náð þeim árangri að ljúka við fjögur skref á innan við einu og hálfu ári. Áhugi á umhverfismálum, gleði og drifkraftur einkennir þá stofnun. Innilega til hamingju með árangurinn!