Málstofa um umbúðir: nauðsyn eða sóun?
Í tilefni af Nýtniviku sem hefst 19. nóvember, ætla Umhverfisstofnun og Reykjavíkurborg að standa fyrir málstofu um umbúðir. Þema Nýtnivikunnar er að draga úr umbúðum og er því flestum þeim sem koma að framleiðslu, innflutningi, notkun og reglum um umbúðir stefnt saman til að ræða þessa hluti. Dagskráin er afar vegleg og áhugaverð og má sjá hér.
Orkustofnun er komin í Grænu skrefin
Velkomin í Grænu skrefin Orkustofnun, hlökkum til að vinna með ykkur 🙂
Deilum reynslu og miðlum
Var þema morgunverðarfundar Grænna skrefa í ár. Fundurinn var vel sóttur en 30 manns frá hinum ýmsu stofnunum komu og áttu með okkur góða stund. Erindi frá fundinum má nálgast hér.
Yfirlit yfir árið – Hólmfríður Þorsteinsdóttir
Innleiðing hjá umhverfis- og auðlindaráðuneyti – Birna Kolbrún Gísladóttir
Innleiðing hjá Seðlabankanum – Birna Kristín Jónsdóttir
Kynning á MS rannsókn á ávinningi Grænna skrefa – Hólmfríður Þorsteinsdóttir
Grænn lífsstíll – Birgitta Stefánsdóttir
Úrvinnslusjóður er kominn í verkefnið
Nú er Úrvinnslusjóður formlegur þátttakandi í Grænum skrefum en áður höfðu þau komið að þróun verkefnisins árið 2014. Velkomin í verkefnið 🙂
Vínbúðin á Siglufirði er komin með tvö Græn skref
Vel gert Vínbúðin á Siglufirði með fyrstu tvö Grænu skrefin, svo eru þau auðvitað búin að senda skref 3 og 4 til úttektar. Frábær vinna 🙂
Áhugasamir skrái sig á morgunverðarfund
Nú er komið að morgunverðarfundi Grænna skrefa. Fundurinn er ætlaður ríkisstarfsmönnum sem áhuga hafa á verkefninu og umhverfismálum og þeim sem eru þegar í verkefninu. Farið verður yfir stöðu verkefnisins og niðurstöður meistararannsóknar um ávinning verkefnisins. Erindi verða frá Umhverfis- og auðlindaráðuneytinu og Seðlabankanum. Erindi verður um grænan lífsstíl – eitthvað sem við getum öll tileinkað okkur. Í lokin ætlum við að skoða saman upplifun og framgang verkefnisins. Nýtum tækifærið til að hitta aðra í verkefninu og skiptast á upplýsingum. Dagskrána má sjá hér.
Eigin ræktun dregur úr umhverfisáhrifum og eykur áhuga starfsfólks
ÁTVR útbjó í vor matjurtagarð á lóð fyrirtækisins aðallega til að auka sjálfbæra hugsun starfsmanna. Ýmsar matjurtir voru gróðursettar s.s. kartöflur, rófur, kál, rabarbari og kryddjurtir. Matjurtirnar hafa síðan verið nýttar í matargerð í mötuneyti þeirra. Starfsmönnum fannst einnig skemmtilegt að horfa á eigin ræktun vaxa og fá að borða hana í lokin. Verkefnið hefur gengið svo vel að ÁTVR ætlar að stækka matjurtagarðinn og fjölga tegundum sem þau rækta næsta vor. Það þarf samt sem áður ekki endilega lóðir og garða til að rækta en starfsmenn neytendateymis Umhverfisstofnunar prufuðu að rækta tómata, chilli og gúrkur í glugga einnar skrifstofunnar í sumar. Aðrir starfsmenn voru mjög áhugasamir og komu reglulega að kíkja á ræktunina og fengu líka smakk 🙂
Ýmis konar ávinningur er af því að rækta eigin matvæli svo sem aukin meðvitund um umhverfismál og sjálfbærni. Að geta ræktað eigin jurtir dregur úr umhverfisáhrifum vegna pökkunar, efnanotkunar og flutnings matvæla, auk þess sem það gefur mikla gleði.
Fyrsta Græna skrefið komið í höfn hjá Landsvirkjun
Landsvirkjun var í dag afhent viðurkenning fyrir fyrsta Græna skrefið. Verkefnastjórn þeirra hefur unnið ötullega að verkefninu í eitt ár núna. Þau hafa til dæmis hætt allri notkun á einnota pappamálum sem voru áður mikið notuð af starfsfólki og kostaði Landsvirkjun háar fjárhæðir. Innilega til hamingju með áfangann 🙂
Bjóðum RAMÝ velkomin í verkefnið
Náttúrurannsóknarstöðin við Mývatn er nýjasti þátttakandinn í Grænu skrefunum. Hjá stofnuninni vinna 2- 15 starfsmenn og felast verkefni þeirra í rannsóknum á náttúru og sögu Mývatns og Laxár og vatnasviðs þeirra. Velkomin í hópinn 🙂
Vínbúðin í Vestmannaeyjum er komin með tvö Græn skref
Innilega til hamingju með fyrstu tvö Grænu skrefin Vínbúðin í Vestmannaeyjum. Grænu skrefin voru eins og hjá öðrum Vínbúðum innleidd hratt og vel. Innilega til hamingju með árangurinn 🙂