Landsvirkjun á Akureyri komin með fyrsta Græna skrefið
Grænu skrefin voru á faraldsfæti um jólin og heimsóttu nýuppgerða starfsstöð Landsvirkjunar á Akureyri. Starfsstöðin fékk afhenta viðurkenningu fyrir fyrsta Græna skrefið enda er unnið ötullega að umhverfismálum hjá Landsvirkjun. Til hamingju.
Sjötta Vínbúðin komin með öll fimm Grænu skrefin
Vínbúðin á Dalvík fékk afhenta viðurkenningu fyrir öll fimm Grænu skrefin núna um jólin. Þar með er Vínbúðin á Dalvík sú sjötta sem nær þeim árangri. Innilega til hamingju með flotta vinnu.
Flugfjarskipti Isavia fékk tvö Græn skref
Það var jólalegt um að litast hjá Flugfjarskiptum Isavia, þegar úttekt á fyrstu tveimur Grænu skrefunum fór fram. Eins og aðrar starfsstöðvar Isavia stóðu þau sig með prýði og eru full áhuga að ljúka öllum skrefunum sem fyrst.
Græn jól í boði Umhverfisstofnunar
Á aðventunni hefur Umhverfisstofnun miðlað nokkrum atriðum sem við öll getum tileinkað okkur til að njóta grænni jóla
1. Gefa upplifanir og umhverfisvænar gjafir fremur en að bæta við enn meira dóti inn á heimilin.
2. Ekki hræðast jólaköttin, við eigum öll nóg af fötum og þurfum því ekki alltaf að kaupa nýtt. Afar mikið af auðlindum fara í framleiðslu og dreifingu á fatnaði sem draga má úr með því að nýta fötin betur
3. Muna að nýta alla hluti betur t.d. gera við, breyta hlutverki hlutarins, fá lánað og fleira í stað þess að kaupa nýtt og muna að flokka allan okkar úrgang.
3. Hvernig væri að nýta afgangana en betur um jólin svo við getum notið þess í staðinn að liggja uppi í sófa og hafa það kósý. Sóun á mat hefur gríðarmikil umhverfisáhrif svo ekki sé minnst á peningum sem við köstum í ruslið í hvert sinn sem mat er sóað.
Frekari ráð er hægt að skoða á vefsíðu Umhverfisstofnunar um grænan lífsstíl.
Starfsstöð Umhverfisstofnunar í Vestmannaeyjum lauk 5 skrefinu
Nú þegar starfsstöð Umhverfisstofnunar í Vestmannaeyjum hefur lokið 4 og 5 skrefi á aðeins ein starfsstöð stofnunarinnar eftir að innleiða Grænu skrefin. Á starfsstöðinni í Vestmannaeyjum er aðeins einn starfsmaður en skrifstofa hennar er í húsi með mörgum öðrum stofnunum og fyrirtækjum sem verða einnig fyrir áhrifum af verkefninu.
Veðurstofan er nýr þátttakandi í Grænum skrefum
Veðurstofan er 36 stofnunin sem tekur þátt í Grænu skrefunum og þar með eru allar stofnanir umhverfis- og auðlindaráðuneytisins komnar í verkefnið. Velkomin 🙂
Setjum ÖLL raftæki í endurvinnslu
Í raftækjum, rafhlöðum og rafgeymum er gríðarlegt magn af verðmætum málmum og efnum eins og gulli, silfri, kopar, áli og fleiru sem eru einnig takmarkaðar auðlindir. Því er afar mikilvægt að við komum þeim öllum í endurvinnslu sama hversu lítið okkur finnst tækið vera.
Í snjallsímum sem Íslendingar henda á ári hverju leynast
8,8 kg af gulli
88 kg af silfri
3,9 tonn af kopar
6,4 tonn af áli
Vínbúðin Eiðistorgi komin með fimm skref
Innilega til hamingju Vínbúðin á Eiðistorgi, það voru hörkuduglegir starfsmenn sem drifu í að ljúka við síðustu skrefin fyrir jól.
Vínbúðin á Siglufirði hefur lokið öllum fimm skrefunum
Til hamingju með flottan árangur Vínbúðin á Siglufirði. Vínbúðin hefur nú náð þeim árangri að uppfylla og fá viðurkenningu fyrir að innleiða öll fimm Grænu skrefin. Á myndinni eru Sólrún Júlíusdóttir og Hólmfríður Ósk Norðfjörð.
Evrópsk Nýtnivika 2016
Nýtnivikan er haldin ár hvert til að minna okkur á að draga úr óþarfa neyslu og nýta betur það sem þegar hefur verið framleitt. Þema vikunnar í ár er að draga úr umbúðanotkun. Við getum líka haft áhrif á þróun þessa málaflokks með því að velja vörur með minni umbúðir eða frekar vörur í umhverfisvænni umbúðum. Það besta er þó ef hægt væri að sleppa umbúðum s.s. plastpokum og öðru sem okkur er oft rétt í verslunum og við notum umhugsunarlaust.