Skiptibókamarkaður fyrir starfsmenn
Í stað þess að starfsmenn séu að henda bókum og kaupa nýjar í sífellu, hefur Þjóðminjasafnið komið upp skiptibókamarkaði hjá sér þar sem starfsfólk getur skilið eftir bækur og tekið sér aðrar. Starfsfólk sem á krakka í menntaskóla hafa einnig komið með bækur sem þau eru hætt að nota þar og leyft þannig öðrum að njóta góðs af því. Frábær hugmynd og stuðlar svo sannarlega að sjálfbærara samfélagi.
Fyrsta skrefið hjá ISOR
Íslenskar Orkurannsóknir voru að fá afhenta viðurkenningu fyrir fyrsta Græna skrefið. Í því tilefni var haldin veisla þar sem verðlaun voru veitt til bestu hugmyndarinnar um umhverfisvænni vinnustað. Lífrænar veitingar og rafbílar voru þar efst í hugum manna. Innilega til hamingju með árangurinn 🙂
Vegagerðin heldur ótrauð áfram
Núna voru það starfsstöðvar Vegagerðarinnar á Sauðárkróki og Hvammstanga sem fengu fyrsta skrefið sitt afhent. Þar með er allt Norðursvæði Vegagerðarinnar búið að uppfylla fyrsta skrefið. Innilega til hamingju með árangurinn 🙂
Vínbúðirnar alveg að ljúka við skrefin
Nú eiga aðeins tvær Vínbúðir eftir að innleiða Grænu skrefin eftir að Vínbúðirnar á Blönduósi og Hvammstanga fengu úttekt og afhendingu viðurkenningar fyrir innleiðingu á öllum fimm skrefunum. Báðar Vínbúðirnar eru litlar en leitast við að draga úr umhverfisáhrifum þar sem það er hægt og hafa áhrif á aðra um að gera slíkt hið sama. Vel gert og til hamingju 🙂
Fyrsta skrefið hjá MTR
Menntaskólinn á Tröllaskaga hlaut viðurkenningu fyrir sitt fyrsta Græna skref. Innleiðing skrefsins gekk fljótt og vel og gaman að sjá hvað endurnýtingu hluta er gert hátt undir höfði. Í listsköpun sinni nýta nemendur til að mynda alls konar hluti sem falla til á heimilum og í skólanum og búa til hluti og list úr slíkum efnivið. Á myndunum má t.d. sjá verk úr gostöppum sem málað er á og fallegt verk úr úrklippum.
Er viðburður framundan?
Þegar við skipuleggjum viðburði eða fundi eru nokkrir hlutir sem við ættum öll að hafa í huga. Hvernig er fundurinn skipulagður? Er valinn staður sem hefur umhverfisvottun? Er þess gætt að allur borðbúnaður sem boðið er uppá sé ekki einnota? Hvað með veitingar og samgöngur? Hér er gátlisti sem hægt er að fara eftir þegar skipuleggja á fundi og viðburði.
Fimmtugasti og fjórði þátttakandinn
Velkomin í verkefnið Fjölbrautaskólinn í Garðabæ. Það er alltaf ánægjulegt þegar skólar skrá sig til leiks eða eru að vinna að umhverfismálum með öðrum hætti, því eitt það mikilvægasta sem við getum gert er að kenna öðrum hvernig við getum dregið úr neikvæðum umhverfisáhrifum sem við völdum.
Þriðja skref Hljóðbókasafnsins
Alltaf gaman að koma til Hljóðbókasafnsins þar sem starfsmenn eru mjög áhugasamir um umhverfismál og að innleiða verkefnið vel. Líka gaman að heyra að verkefnið hafi áhrif inn á heimili starfsmanna.
Endurskoðun á græna bókhaldinu
Nú er græna bókhaldið í endurskoðun og því góður tími til að senda til okkar ábendingar og hugmyndir að endurbótum. Vek athygli á því að í núverandi excel skjal vantar næstu ár svo þeir sem eru byrjaðir að vinna bókhaldið þurfa aðeins að bíða eftir að geta fært það inn í nýtt skjal.
Fyrstu tvö skrefin komin í hús
Þjóðminjasafn Íslands er komið með tvö fyrstu Grænu skrefin. Þjóðminjasafnið er með fimm starfsstöðvar á höfuðborgarsvæðinu sem allar fengu viðurkenningu samtímis. Safnið hefur um nokkurt skeið innleitt flokkun og annað er tengist umhverfismálum en þátttaka þeirra í verkefninu dýpkaði þá vinnu. Það var ofsalega gaman að koma til þeirra og greinilega samhentur hópur að innleiða umhverfismálin. Nú þegar þau hafa klárað fyrstu tvö skrefin þá skipta þau um sjálfboðaliða í umhverfishópnum til að dreifa álaginu og gera fleiri ábyrga fyrir verkefninu – góð hugmynd sem gæti nýst fleiri stofnunum.