Átakið Hjólað í vinnuna hefst á miðvikudaginn, þann 6. maí næstkomandi. Keppnin stendur yfir í þrjár vikur og við hvetjum alla vinnustaði til þess að skrá sig! Frekari upplýsingar um hvernig skráning fer fram má finna hér: https://hjoladivinnuna.is/um-hjolad/hvernig-skrai-eg-mig-til-leiks/
Ríkissáttasemjari hefur nú skráð sig til leiks í Grænum skrefum. Starf Ríkissáttasemjara felst einkum í því að annast sáttastörf í vinnudeilum, fylgjast með stöðu og horfum á vinnumarkaði um land allt og skrásetja gildandi kjarasamninga. Fimm starfsmenn starfa hjá Ríkissáttasemjara og við hlökkum mikið til að troða með þeim græna slóð.
Grænu skrefin hafa nú fengið andlitslyftingu með tilkomu nýs útlits og nýrrar heimasíðu. Á heimasíðunni má nálgast helstu upplýsingar um verkefnið; forsögu þess, markmið, ávinning, skrefin sjálf, þátttakendur, Grænt bókhald og vinnugögn. Við höfum einnig bætt við síðu þar sem við svörum algengum spurningum undir Spurt og svarað og svo má nálgast góð ráð undir […]
Við bjóðum Háskólann á Akureyri velkominn til leiks. Hjá skólanum starfa 205 manns og eru tæplega 2500 nemendur skráðir þar til náms. Skólinn hefur verið leiðandi í uppbyggingu fjarnáms á Íslandi og spilað stórt hlutverk í að mennta fólk óháð búsetu og öðrum aðstæðum sem geta staðið í vegi fyrir staðarnámi. Við í Grænu skrefunum hlökkum […]
Byggðastofnun hefur nú skráð sig í Grænu skrefin. Stofnunin er staðsett á Sauðárkróki og þar starfa 27 manns. Hlutverk Byggðastofnunar er að efla byggð og atvinnulíf með sérstakri áherslu á jöfnun tækifæra allra landsmanna til atvinnu og búsetu. Við erum spennt fyrir samstarfinu og bjóðum Byggðastofnun velkomna til leiks!
Nýjasti þátttakandinn í Grænum skrefum er Framhaldsskólinn í Austur-Skaftafellssýslu en skólinn er jafnframt 10. framhaldsskólinn sem skráir sig til leiks í verkefnið. Það er alltaf jafn gaman að vinna með skólum þar sem metnaðurinn til að ná árangri í umhverfismálum er oftast mikill og mýmörg tækifæri til staðar til að virkja nemendur til góðra verka. […]
Þróunarfélag Keflavíkurflugvallar ehf, Kadeco, hefur nú skráð sig til leiks í Grænu skrefin. Kjarnaverkefni félagsins er að leiða þróun á landi ríkisins sem umlykur flugverndarsvæði Keflavíkurflugvallar. Kadeco kemur að ýmsum verkefnum sem eiga það sameiginlegt að auka virði svæðisins. Fjórir starfsmenn starfa hjá félaginu og hlökkum við til að feta með þeim græna veginn.
Allar starfsstöðvar Skógræktarinnar hafa nú fengið viðurkenningu fyrir að stíga annað Græna skrefið. Starfsfólki Skógræktarinnar er mjög umhugað um umhverfið og höfum við í Grænu skrefunum ekki síður lært af þeim en þau af okkur þegar kemur að umhverfismálunum. Öflug fjarfundarmenning er til staðar hjá stofnuninni sem er dreifð um allt land og fara t.a.m […]
Húsnæðis- og mannvirkjastofnun (HMS) hefur nú skráð sig til leiks í Grænu skrefin. Stofnanir sem taka þátt í verkefninu eru því orðnar 83 talsins með yfir 290 starfsstöðvar um land allt. Íbúðalánasjóður og Mannvirkjastofnun sameinuðust undir nafni Húsnæðis- og mannvirkjastofnunar í byrjun árs 2020. Sameiningunni er ætlað að stuðla að heildstæðri yfirsýn yfir húsnæðis- og […]
Í Grænu bókhaldi eru innbyggðir svokallaðir losunarstuðlar sem gera það að verkum að losun frá helstu uppsprettum gróðurhúsalofttegunda (GHL) í starfseminni reiknast sjálfkrafa. Umhverfisstofnun hefur nú birt upplýsingar um losunarstuðlana á heimasíðu sinni og eru þeir því aðgengilegir fyrirtækjum, sveitafélögum, stofnunum og öllum þeim sem vilja reikna út losun frá sinni starfsemi. Stuðlunum fylgja skýrar leiðbeiningar um hvaða stuðlar henti best til […]
Fjölbrautarskóinn í Garðabæ hlaut viðurkenningu fyrir fyrstu 2 grænu skrefin í síðustu viku á setningu Imbrudaga í skólanum. Þema daganna voru umhverfismál og margt áhugavert var í boði fyrir nemendur skólans af bæði fræðslu og vinnustofum, m.a. flutti Andri Snær Magnason fyrirlestur fyrir fullum sal nemenda, Umhverfisstofnun hélt fyrirlestur um matarsóun og Einar Bárðarson sagði frá […]
Starfsstöð Landsvirkjunar á Glerárgötunni á Akureyri hlaut á dögunum viðurkenningu fyrir fimmta og síðasta græna skrefið. Það er til fyrirmyndar hvað vel hefur gengið að innleiða skrefin hjá Landsvirkjun og hefur nú öll hefðbundin skrifstofustarfssemi fyrirtækisins lokið skrefunum. En þau láta ekki þar við sitja og eru nú þegar byrjuð á innleiðingu skrefanna á aflstöðvunum […]
