Gefum fuglunum afganga
Væri ekki gaman að hafa smá fuglalíf fyrir utan skrifstofuna? Þá er upplagt að taka saman brauð, fræ, korn og annað sem fellur til úr mötuneytunum og setja út á svalirnar, stéttina eða garðinn. Flugfjarskipti Isavia gera það iðulega og hafa því mikið og fjölbreytt fuglalíf í bakgarðinum
Vínbúðin á Patreksfirði lauk nýverið við skref 3, 4 og 5
Starfsmaður okkar á sunnanverðum Vestfjörðunum kíkti í heimsókn í Vínbúðina á Patreksfirði. Úttektin gekk vel og Vínbúðin fékk þar með viðurkenningu fyrir síðustu þrjú skrefin. Til hamingju 🙂
3, 4 og 5 skref til Vínbúðarinnar á Seyðisfirði
Innilega til hamingju með flottan árangur 🙂
Drögum úr óþarfa einnota vörunotkun
Á hverjum degi fáum við eitthvað í hendurnar eða kaupum okkur eitthvað sem telst sem einnota notkun. Hér falla undir vörur eins og einnota kaffibollinn sem þú grípur með þér, rörið sem er sett í drykkinn þinn, pokinn sem varan þín er sett í áður en þú nærð að segja nei. Í hverri svona vöru felst mikil sóun en á bak við allar vörur felast neikvæð umhverfisáhrif í t.d. framleiðslu, flutningum, sölu og síðan förgun. Þessi umhverfisáhrif margfaldast síðan þegar við neytum sífellt fleiri slíkra einnota vara í stað þess að nota margnota vörur eða sleppa einhverjum óþarfa.
Vínbúðirnar í Reykjanesbæ og Grindavík fengu viðurkenningu
Vínbúðirnar í Reykjanesbæ og Grindavík hafa nú báðar lokið við öll fimm Grænu skefin, innilega til hamingju með flottan árangur.
Vínbúðin á Egilsstöðum með fimm Græn skref
Vínbúðin á Egilsstöðum var nú að ljúka við skref 3, 4 og 5 og hlaut viðurkenningu þess eðlis frá starfsmanni okkar fyrir austan. Innilega til hamingju með áfangann, nú er bara að viðhalda góðum árangri.
Rekstrarfélag Stjórnarráðsins er nýr þátttakandi
Rekstrarfélag Stjórnarráðsins er 40 þátttakandinn í verkefninu okkar. Rekstrarfélagið er afar mikilvægur hluti af rekstri ráðuneytanna en sjá þau til dæmis um miðlæg innkaup og utanumhald á sorphirðu og ræstingu fyrir öll ráðuneytin. Við bjóðum þau velkomin í verkefnið og hlökkum til að vinna með þeim.
Vínbúðin á Ólafsvík var að ljúka við fyrstu tvö Grænu skrefin
Innilega til hamingju með fyrstu tvö Grænu skrefin. Eins og hjá öðrum Vínbúðum verður örugglega ekki langt þangað til hin skrefin bætast við.
Losun gróðurhúsalofttegunda á Íslandi
Í skýrslu sem Hagfræðistofnun Háskóla Íslands gaf út kemur fram að losun gróðurhúsalofttegunda á Íslandi mun aukast um 50-100% á næstu árum ef ekkert verður að gert. Stjórnvöld munu því ekki geta staðið við skuldbindingar sínar gagnvart Parísarsamkomulaginu. Margt er þó hægt að gera eins og bent er á í skýrslunni s.s. rafbílavæða Ísland. Í skýrslunni er mikið fjallað um stóru málin en ekki má gleyma þeirri vinnu sem stofnanir í Grænum skrefum eru að gera. Með því að draga úr orkunotkun, efnisnotkun s.s. pappír, ræstiefnum og eldsneyti, auka nýtingu á hlutum, draga úr innkaupum og úrgangsmyndun eru stofnanir að leggja sitt af mörkum til að breyta viðhorfi okkar til auðlindanýtingar.
Vínbúðin í Skeifunni náði öllum Grænu skrefunum
Vínbúðin tók Grænu skrefin með áhlaupi og kláraði þau öll í einu. Innilega til hamingju með árangurinn 🙂