Á dögunum hlaut Hugverkastofan viðurkenningu fyrir að ljúka 2. Græna skrefinu. Við óskum þeim innilega til hamingju með góðan árangur!

Til að ljúka skrefinu hefur Hugverkastofan meðal annars flokkað vel og vandlega, boðið upp á góða aðstöðu fyrir hjólafólk, skilað grænu bókhaldi og sett sér loftlagsttefnu. Þar kemur fram að Hugverkastofan mun í jöfnum skrefum, allt til ársins 2030, draga úr losun um 40% miðað við árið 2019. Hugverkastofan er í miklu alþjóðlegu samstarfi með tilheyrandi utanlandsflugi og þeirri losun sem hlýst af fluginu. Því er einstaklega mikilvægt að þau hafi sett sér skýr markmið um að draga úr losun frá samgöngum ásamt því að kolefnisjafna starfsemi stofnunarinnar. Hugverkastofan hefur með þessu ekki aðeins metnað fyrir því að hafa jákvæð áhrif á nærsamfélagið heldur einnig að vera fyrirmynd fyrir þá alþjóðlegu aðila sem þau eru í samstarfi við.

Enn og aftur til hamingju!

Fjölbrautaskóli Snæfellinga fékk fyrsta skrefið á dögunum og óskum við þeim kærlega til hamingju með árangurinn!

Ýmsar breytingar voru gerðar vegna innleiðingar fyrsta skrefsins, sem dæmi má nefna nýja hjólaboga sem komu rétt í tæka tíð fyrir sumarið og Hjólað í vinnuna átakið sem við hvetjum alla vinnustaði til að taka þátt í.

 

Sýslumaðurinn á Vesturlandi hlaut fyrstur allra sýslumannsembætta sitt fyrsta græna skref þann 9. mars síðastliðinn. Hjá sýslumanninum á Vesturlandi starfa 18 starfsmenn á fimm starfsstöðvum, það eru skrifstofur á Akranesi, Borgarnesi, Stykkishólmi, og tvö útibú í Búðardal og Snæfellsbæ (Hellissandi).

Starfsmenn skrifstofu sýslumanns á Vesturlandi hafa sýnt fram á að innleiðing Grænna skrefa getur tekið stuttan tíma ef að viljinn og áhuginn er fyrir hendi og eru þau komin langleiðina með annað skrefið nú þegar!

Við óskum þeim kærlega til hamingju með góðan árangur.

Umboðsmaður barna hlaut á dögunum viðurkenningu fyrir að hafa lokið fyrsta græna skrefinu. Hjá Umboðsmanni barna starfa 5 starfsmenn sem skráðu þau sig til leiks í loks árs 2020 og voru ekki lengi að framkvæma aðgerðir fyrsta skrefsins og byrja á næstu skrefum.

Við heyrum stundum að það taki því ekki fyrir vissa vinnustaði að taka þátt í Grænu skrefunum sökum smæðar. En staðreyndin er sú að allur rekstur hefur einhver áhrif á umhverfið; starfsmenn þurfa að ferðast til og frá vinnu og jafnvel í vinnu, við þurfum rafmagn og hita, kaupum vörur, borðum mat og starfseminni fylgir alltaf einhver úrgangur. Eitt aðalmarkmið Grænna skrefa er að efla umhverfisvitund starfsmanna og það er sannarlega jafn mikilvægt á litlum vinnustöðum sem og stórum.

Við óskum starfsfólki Umboðsmanni til hamingju með árangurinn!

Í gær héldum við upplýsingafund um Grænt bókhald. Einhverjir áttu í vandræðum með að komast á fundinn og bíða því spenntir eftir upptökunni á fundinum. Við getum glatt ykkur með því að núna er biðin loksins á enda.

Dagskrá fundarins var eftirfarandi:

1. Skilafrestur og viðmiðunarár
2. Kennslumyndband um Græna bókhaldið og algengar spurningar
3. Umfang, starfsstöðvar og réttar deilitölur
4. Kolefnisjöfnun og kolefnisbinding
5. Myndræn framsetning á gögnunum og samanburður skilaaðila
6. Spurningar og svör

Við bendum svo á þjónustuborð Græna bókhaldsins á milli 13:30 – 15:00 föstudaginn 26. mars. Á meðan þjónustuborðið er opið er hægt að komast inn á rafræna fundarboðið og fá aðstoð við Græna bókhaldið og spyrja spurninga. Fyrir spurningar er auðveldast að hafa samband við sinn tengilið í Grænu skrefunum, eða senda póst á graenskref@graenskref.is

Bestu

Gró Einarsdóttir (gro.einarsdottir@umhverfisstofnun.is), Ásdís Nína Magnúsdóttir (asdis.magnusdottir@umhverfisstofnun.is), og Þorbjörg Sandra Bakke (thorbjorg.bakke@umhverfisstofnun.is)