Færslur

Þorsteinn Magnússon varaskrifstofustjóri, Heiðrún Pálsdóttir, formaður umhverfisnefndar, Auður Elva Jónsdóttir fjármála- og rekstrarstjóri, Steingrímur J. Sigfússon, forseti Alþingis, og Ragna Árnadóttir skrifstofustjóri tóku á móti viðurkenningunni fyrir hönd Alþingis. Á myndinni eru einnig Ásdís Nína Magnúsdóttir og Birgitta Steingrímsdóttir frá Umhverfisstofnun

3. og 4. Græna skrefið í höfn hjá Alþingi

/in /by

Tæpu ári eftir að hafa tekið við viðurkenningu fyrir 2. Græna skrefið tóku Forseti Alþingis, yfirstjórn skrifstofu og fulltrúi umhverfisnefndar á móti viðurkenningu fyrir að hafa lokið innleiðingu á 3. og 4. skrefinu. Það fer ekki á milli mála að á Alþingi er unnið afar öflugt umhverfisstarf og mikill hugur í starfsfólki að gera sitt besta þegar kemur að umhverfismálunum.

Markvisst hefur verið unnið að því að draga úr losun gróðurhúsalofttegunda og mengun vegna samgangna. Tveir af þremur bílum Alþingis eru tengiltvinnbílar og búið er að koma fyrir 16 hleðslustöðvum á bílastæðum Alþingis. Þingverðir fara í styttri ferðir á rafhlaupahjóli. Fyrr á árinu fékk Alþingi platínum-vottun Hjólafærni, en slík vottun er veitt þeim vinnustöðum sem veita besta aðgengi fyrir hjólandi og gangandi starfsmenn og gesti. Rúmlega 60% starfsmanna eru með samgöngusamning og koma til vinnu með strætisvagni, hjólandi eða gangandi.

Á tímum Covid-19 hefur verið tekið heljarstökk í notkun fjarfundabúnaðar á fundum sem þingmenn og starfsmenn taka þátt í, ekki síst nefndafundum auk funda innanlands og í alþjóðastarfi. Það er nokkuð öruggt að notkun fjarfundabúnaðar mun í framtíðinni koma að einhverju leyti í stað hefðbundinna funda bæði innanlands og utan og draga þannig úr umhverfisáhrifum, eins og segir í frétt Alþingis um málið.

Flokkunaraðstaða er til fyrirmyndar og er endurvinnsluhlutfall Alþingis það sem af er ári tæp 70%. Stefnan er sett á 80% árið 2020.

Undanfarin ár hefur verið dregið úr pappírsnotkun með rafrænni útgáfu þingskjala, fækkun prentara o.fl. Til að minnka enn frekar magn sorps var ákveðið að fækka prentuðum eintökum af dagblöðum, tímaritum og skýrslum sem þingið fær.

Mötuneytið hefur gripið til ýmissa aðgerða til að minnka matarsóun og er hún nú mjög lítil. Afgangar eru frystir og notaðir síðar og boðið er upp á úrval vikunnar á föstudögum. Til að draga úr sóun á kaffi hefur verið hætt að fara með kaffikönnur inn á fundi og stendur fundargestum til boða að sækja sér staka bolla í kaffivél.

Við óskum Alþingi innilega til hamingju með áfangann!

Sjá frétt á vef Alþingis.

 

Sérsmíðaðar flokkunartunnur sem passa vel á sinn stað og eru auk þess á hjólum

 

Fínasta aðstaða fyrir gesti til að læsta hjólum sínum

 

Starfsfólk hefur aðgang að þurrskáp og hjólaviðgerðarbúnaði auk þess sem hægt er að geyma hjólin í læstu rými

 

Hér má sjá Ásdísi Nínu Magnúsdóttur og Birgittu Steingrímsdóttur frá Umhverfisstofnun veita fulltrúum Alþingis viðurkenninguna; þeim Þorsteini Magnússyni varaskrifstofustjóra, Heiðrúnu Pálsdóttur, formanni umhverfisnefndar, Auði Elvu Jónsdóttur fjármála- og rekstrarstjóra, Steingrími J. Sigfússyni, forseta Alþingis og Rögnu Árnadóttur skrifstofustjóra.

4 Græn skref í höfn

Meðlimir Græna hersins og Þröstur Eysteinsson skógræktarstjóri taka hér við viðurkenningu fyrir annað Græna skrefið frá Birgittu Steingrímsdóttur hjá Umhverfisstofnun

Skógræktin stígur skref númer tvö

/in /by

Allar starfsstöðvar Skógræktarinnar hafa nú fengið viðurkenningu fyrir að stíga annað Græna skrefið. Starfsfólki Skógræktarinnar er mjög umhugað um umhverfið og höfum við í Grænu skrefunum ekki síður lært af þeim en þau af okkur þegar kemur að umhverfismálunum. Öflug fjarfundarmenning er til staðar hjá stofnuninni sem er dreifð um allt land og fara t.a.m ýmis námskeið og fyrirlestrar fram á Teams. Með því sparast bæði tími, fjármunir og losun. Tjaldsvæði Skógræktarinnar á Vöglum og Hallormsstað bjóða gestum upp á flokkun úrgangs sem er frábært framtak sem fleiri tjaldsvæði um land allt mættu taka til fyrirmyndar. Nýtni og skapandi hugsun eru áberandi hjá Skógræktinni eins og sjá má á meðfylgjandi myndum þar sem nafnspjöld og aðrir munir eru búnir til úr afurðum skóganna. Á Mógilsá er lífrænn úrgangur jarðgerður á staðnum eins og á fleiri starfsstöðvum og kaffikorgurinn fær að fara beinustu leið út í skóg þar sem næringarefnin nýtast svo sannarlega.

 

Fjölbrautaskólinn í Garðabæ stigu 2 skref

/in /by

Fjölbrautarskóinn í Garðabæ hlaut viðurkenningu fyrir fyrstu 2 grænu skrefin í síðustu viku á setningu Imbrudaga í skólanum. Þema daganna voru umhverfismál og margt áhugavert var í boði fyrir nemendur skólans af bæði fræðslu og vinnustofum, m.a. flutti Andri Snær Magnason fyrirlestur fyrir fullum sal nemenda, Umhverfisstofnun hélt fyrirlestur um matarsóun og Einar Bárðarson sagði frá Votlendissjóði og þeirra góða starfi.

Óskum starfsfólki og nemendum skólans til hamingju með græna starfið og hlökkum til áframhaldandi samstarfs í að stuðla að betra umhverfi, fyrir okkur og framtíðina!

FG afhending skref1og2

Á myndinni eru frá vinstri: Snjólaug Elín Bjarnadóttir aðst. skólameistari, Hildur Harðardóttir Umhverfisstofnun, og Kristinn Þorsteinsson skólameistari.

20200129 111217

Vinnustofa á Imbrudögum FG, hér var verið að vinna með gamla tauboli og gefa þeim nýtt líf sem breytta boli, töskur o.fl.

 

 

Isavia í Keflavík með þrjú skref

/in /by

Flugstöð Leifs Eiríkssonar, Þjónustuhús og Flugturn í Keflavík fengu í gær viðurkenningu fyrir að hafa lokið við þriðja Græna skrefið. Í Keflavík starfar öflug umhverfisdeild sem farið hefur fyrir innleiðingu Grænu skrefanna í starfseminni. Mikil áhersla hefur verið lögð á fræðslu til starfsmanna og rekstaraðila og að virkja þá til góðra verka. Sorpmálin hafa verið tekin föstum tökum og geta starfsmenn, rekstraraðilar og gestir flugvallarins flokkað sitt sorp. Starfsmenn umhverfisdeildar hafa lagt sig fram við að gera upplýsingar um flokkun eins skýrar og hægt er bæði með því að nota myndmál og þau tungumál sem töluð eru á vinnustaðnum. Hér má til að mynda sjá leiðbeiningar um flokkun eftir rýmum og ítarlegri leiðbeiningar og myndbönd hér. Í mötuneyti starfsmanna hafa diskar verið minnkaðir í viðleitni til að sporna við matarsóun og í nóvember síðastliðnum var matarsóun í mötuneyti mæld yfir þriggja vikna tímabil til að vekja starfsmenn til vitundar um umfang sóunar. Fróðlegt er að lesa umhverfiskaflann í ársskýrslu Isavia frá árinu 2018 en þar má kynna sér hvað fyrirtækið hefur verið að gera í umhverfis- og loftslagsmálum, hljóðvist og endurvinnslu. Við óskum Isavia á Keflavíkurflugvelli innilega til hamingju með árangurinn og hlökkum til að vinna áfram með þeim í Grænu skrefunum!

82594243 2511645255742617 3123361459589873664 n

Hér taka Valur Klemensson og Ásdís Ólafsdóttir, starfsmenn umhverfisdeildar Isavia á Keflavíkurflugvelli, við viðurkenningu fyrir þriðja skrefið frá Birgittu Steingrímsdóttur, starfsmanni Umhverfisstofnunar.

82833422 2317982454968961 4430291038208262144 n

Starfsmenn gæddu sér á glæsilegri Grænskrefaköku í tilefni dagsins.

Veðurstofan stígur 3 skref í einu

/in /by

Veðurstofa Íslands hefur nú fengið viðurkenningu fyrir að stíga fyrstu þrjú Grænu skrefin. Öflugt umhverfisstarf hefur verið unnið á stofnuninni um árabil og ljóst að það er rótgróið í menningu vinnustaðarins að huga að umhverfinu í hvívetna. Nýtni er í hávegum höfð og fá starfsmenn sem vilja t.a.m að eiga raftæki sem stofnunin hefur ekki þörf fyrir lengur. Þegar skrifborð eru endurnýjuð er einungis skipt um borðplötur og fæturnir nýttir áfram. Starfsfólk Veðurstofunnar eru miklir hjólreiðagarpar og hjóla margir til og frá vinnu allt árið um kring. Aðstaða fyrir hjólandi og gangandi er til fyrirmyndar, hægt er að geyma hjól í læstum rýmum og búningsherbergi með sturtum til staðar fyrir bæði kyn. Á hverju vori er hjólaviðgerðardagur þar sem starfsfólk aðstoðar hvert annað við að yfirfara og gera hjólin klár fyrir sumarið. Stofnunin skaffar svo það sem þarf til viðgerða. Veðurstofan hefur tekið þátt í Hjólað í vinnuna í mörg ár og oftar en ekki fengið viðurkenningu fyrir góðan árangur. Starfsfólk og gestir á rafbílum þurfa ekki að örvænta því sex hleðslustöðvar eru staðsettar á bílapani Veðurstofunnar. Til hamingju með glæsilegan árangur Veðurstofa Íslands!

IMG 1831

Einar Birgir Hauksson, Ingveldur Björg Jónsdóttir, Svava Björk Þorláksdóttir og Gerður Stefánsdóttir meðlimir umhverfisteymis Veðurstofu Íslands, Árni Snorrason forstjóri og Birgitta Steingrímsdóttir hjá Umhverfisstofnun.

vedur3

Starfsfólk Veðurstofu Íslands setur veðrið ekki fyrir sig þegar kemur að hjólreiðunum! Hér má sjá þau hlaðin viðurkenningum í átakinu Hjólað í vinnuna.

vedur6

Hjólaviðgerðardagurinn. Hér hjálpast allir að við að efla hjólreiðamenningu vinnustaðarins.

vedur7

Frábær aðstaða fyrir rafbílandi.

ÍSOR stígur 3. skrefið

/in /by

Innleiðing Grænu skrefanna hefur gengið hratt og örugglega fyrir sig hjá ÍSOR. Viðurkenningu fyrir fyrsta skrefið hlutu þau í janúar 2018 og í dag fengu þau viðurkenningu fyrir það þriðja. Samhliða afhendingu 3. skrefsins fékk stofnunin sömuleiðis silfur í Hjólavottun vinnustaða en öflug hjólreiðamenning er til staðar meðal starfsfólks ÍSOR og aðstaðan eftir því. Flokkun úrgangs er tekin föstum tökum og eru skýrar leiðbeiningar sýnilegar starfsmönnum, bæði á íslensku og ensku. Í viðleitni til að sporna gegn matarsóun hefur stofnunin innleitt skráningarkerfi í mat og sett upp skemmtilega áminningarmiða í matsal. Til hamingju með árangurinn ÍSOR!

isorskref3

Birgitta Steingrímsdóttir hjá Umhverfisstofnun, Guðrún Sigríður Jónsdóttir og Bjarni Richter í teymi Grænna skrefa hjá ÍSOR og Sesselja Traustadóttir hjá Hjólafærni. Á myndina vantar Valdísi Guðmundsdóttur sem einnig er í teymi Grænna skrefa hjá ÍSOR.

78090502 450259289025947 1030090357678800896 n 2

78343092 991198374571132 9127441713210589184 n

79151766 2596409047244688 1961992952607670272 n

Skýrar og góðar leiðbeiningar um flokkun og áminning um matarsóun í matsal.

78846697 2302542260036196 7756630277090181120 n

Starfsfólk getur geymt hjólin sín í hjólaskýli við stofnunina.

Vegagerðin á Húsavík

/in /by

Þjónustustöð Vegagerðarinnar á Húsavík hlaut viðurkenningu fyrir 1. græna skrefi í lok nóvember. Mikill metnaður er í þeim köppum að fylgja ákvæðum skrefanna og örugglega stutt að bíða þess að þeir stígi skref nr. 2. Hópurinn á myndinni stendur hér fyrir aftan sérsmíðaða glæsilega hjólagrind, prýðis aðstaða fyrir hjólandi starfsfólk sem og gestikomandi. Óskum þeim til hamingju með skrefið!

Hsavk hpmynd 1 skref

Á myndinni eru (frá vinstri): Brynjar Örn Ástþórsson,  Kristján M Önundarson, Þórólfur Jón Ingólfsson, Sigurður Skúlason, Þórir Stefánsson og Hildur Harðardóttir frá Umhverfisstofnun.

Minni orkunotkun og aukið öryggi með vistakstri

/in /by

Í skrefi tvö í Grænu skrefunum snýr ein aðgerð að vistakstri en hún hljóðar svona: „Starfsfólk okkar sem notar bíl mikið vegna vinnu sinnar hefur farið á vistakstursnámskeið“. Hér höfum við einnig hvatt stofnanir til að fá fyrirlestur um vistakstur fyrir allt starfsfólk enda fræðsla sem á sannarlega erindi við alla sem nota bíl, hvort sem það er í leik eða starfi. Með því að breyta ökuhegðun okkar og temja okkur vistakstur stuðlum við að minni útblæstri og mengun, minnkum slit á dekkjum og vegum og drögum þannig úr magni svifryks í umhverfinu og spörum auk þess pening. Starfsfólk Þjóðskrár Íslands fékk fyrirlestur um vistakstur á dögunum og starfsfólk Vatnajökulsþjóðgarðs skellti sér á vistakstursnámskeið í Ökuskólanum í Mjódd. „Þjóðgarðurinn okkar er stór og dreifður og þurfa starfsmenn stundum að aka langar leiðir til að sinna verkefnum og því er mikilvægt að temja sér vistakstur. Með slíku ökulagi er hægt að minnka orkunotkun bifreiða um 10-15% auk þess sem vistakstur getur stuðlað að meira akstursöryggi. Starfsfólk þjóðgarðsins lærði margt nýtt á vistakstursnámskeiðinu og hlökkum við til að sjá árangurinn í grænu bókhaldi þjóðagarðsins“, segir í frétt á vef Vatnajökulsþjóðgarðs.

1573728550 vistakstur

Starfsfólk Vatnajökulsþjóðgarðs og Sigurður E. Steinsson frá Ökuskólanum í Mjódd.

Þrjár starfsstöðvar Isavia í Keflavík stíga skref

/in /by

Flugstöð Leifs Eiríkssonar, Þjónustuhús og Flugturn í Keflavík luku nú í sumar við Grænt skref númer tvö. Allar átta starfsstöðvar Isavia sem skráðar eru í Grænu skrefin hafa nú stigið tvö skref en Flugfjarskipti kláruðu öll fimm Grænu skrefin fyrir ári síðan. Hjá Isavia er unnið mjög metnaðarfullt umhverfisstarf og er í nógu að snúast hjá starfsmönnum umhverfisdeildarinnar í Keflavík. Við óskum Isavia til hamingju með árangurinn!

gs2kef

Á myndinni eru Þröstur Söring framkvæmdastjóri rekstrarsviðs Isavia, Ásdís Ólafsdóttir umhverfisdeild Keflavíkurflugvallar og Guðjón Arngrímsson deildarstjóri rekstrarsviðs á Keflavíkurflugvelli.

67310669 721279134975424 291384643083567104 n 2

Góð ráð og upplýsingar um matarsóun er að finna á kaffistofum Isavia á Keflavíkurflugvelli

67585188 352081692350945 7667087630672068608 n

Upplýsingar um flokkun úrgangs eru aðgengilegar og skýrar

Héraðssaksóknari fyrsta undirstofnun Dómsmálaráðuneytis með Grænt skref

/in /by

Í dag hlaut embætti Héraðssaksóknara viðurkenningu fyrir að stíga fyrsta Græna skrefið. Það er mikill metnaður fyrir verkefninu innanhúss og starfar öflugt þriggja manna teymi að innleiðingu þess. Það sem skiptir ekki síður máli er stuðningur yfirstjórnar sem svo sannarlega er til staðar hjá Héraðssaksóknara og auðveldar allar breytingar. Ólafur Þór Hauksson, héraðssaksóknari, sagðist við afhendinguna í dag vona að Grænu skrefin stuðli að aukinni starfsánægju og bætti við að verkefnið geti leitt til minni rekstrarkostnaðar hjá embættinu. Starfsmenn embættisins hafa vakið athygli undanfarið þar sem þeir þeysast á milli staða á rafhlaupahjóli, en kaupin á því voru einmitt liður í Grænu skrefunum. Til hamingju með árangurinn og gangi ykkur vel með framhaldið!

72915933 2446883942189669 7238763933950017536 n

Birgitta Steingrímsdóttir, starfsmaður Umhverfisstofnunar, og Ólafur Þór Hauksson, héraðssaksóknari.

herassak

Kolbrún Benediktsdóttir, varahéraðssaksóknari, nýtir sér rafhlaupahjól embættisins til að fara á milli staða í miðbænum. Að hennar sögn er hlaupahjólið bæði praktískur og umhverfisvænn ferðamáti (og örugglega mjög skemmtilegur í þokkabót!) (Mynd: Vísir).