Fiskistofa með í Grænu skrefunum
Við bjóðum Fiskistofu velkomna til leiks! Hlutverk stofnunarinnar er að gæta hagsmuna þjóðarinnar við ábyrga nýtingu auðlinda hafs og vatna. Hjá Fiskistofu starfa 63 manns á sex starfsstöðvum um land allt.
Færslur
Embætti landlæknis stígur með okkur skrefin
Við bjóðum Embætti landlæknis velkomið til leiks og hlökkum mikið til að vinna að umhverfismálunum með þeim 70 starfsmönnum sem þar starfa.
Embætti lögreglustjóra og sýslumanns á Norðurlandi eystra skrá sig til leiks
Það gleður okkur hjá Grænu skrefunum að fá stofnanirnar tvær með í verkefnið og bjóðum við þær hjartanlega velkomnar. Bæði embættin eru fyrst sinnar tegundar til að taka þátt í Grænu skrefunum en þau heyra bæði undir dómsmálaráðuneyti. Við hvetjum að sjálfsögðu önnur lögreglu- og sýslumannsembætti til að taka embættin á Norðurlandi eystra til fyrirmyndar og hefja grænu vegferðina með okkur.
74 stofnanir skráðar til leiks
Heilbrigðisstofnun Norðurlands hefur nú skráð sig í verkefnið og er þar með 74. þátttakandi Grænna skrefa. Hjá stofnuninni starfa 570 starfsmenn á starfsstöðvum á Akureyri, Blönduósi, Dalvík, Fjallabyggð, Húsavík og Sauðárkróki.Við hlökkum til vegferðarinnar með Heilbrigðisstofnun Norðurlands.
Velkomin í hópinn, Fjársýsla ríkisins!
Fjársýsla ríkisins búin að stíga sitt fyrsta Græna skref! Þær Ragnheiður Gunnarsdóttir forstöðumaður og Vilborg Hólmjárn hafa umsjón með verkefninu og stefna á að klára annað skref fyrir áramót, enda góður stuðningur innhúss. Alveg til fyrirmyndar!
Á myndinni eru Hildur Harðardóttir, Umhverfisstofnun, ásamt Ragnheiði K. Gunnarsdóttur og Vilborgu Hólmjárn hjá Fjársýslu ríkisins.