Fréttir - Græn skref

Isavia Akureyrarflugvöllur fékk fyrstu tvö Grænu skrefin

23. ágúst, 2017/in Fréttir /by gre

Flugvöllurinn á Akureyri ákvað að innleiða fyrstu tvö skrefin í einu og gerðu það með glæsibrag. Starfsmenn þar breiða einnig út boðskapinn þar sem fleiri fyrirtæki sem nýta sér þjónustu vallarins þurfa einnig að fylgja þeirra fordæmi. Vel gert 🙂

Skógræktin á Akureyri er komin með fyrsta skrefið

23. ágúst, 2017/in Fréttir /by gre

Skógræktin er með starfsstöðvar um allt land en sú á Akureyri hóf fyrst þeirra formlega innleiðingu Grænna skrefa og fengu viðurkenningu þess efnist nú. Innilega til hamingju með árangurinn 🙂

Fyrsta skref Vegagerðarinnar á Akureyri

23. ágúst, 2017/in Fréttir /by gre

Starfsstöð Vegagerðarinnar á Akureyri var að ljúka innleiðingu fyrsta Græna skrefsins og fljótlega fylgja þjónustustöðvar þeirra í kjölfarið. Til hamingju með árangurinn 🙂

Vínbúðin Kópasker komin með fimm skref

5. júlí, 2017/in Fréttir /by gre

Nú var Vínbúðin á Kópaskeri að fá viðurkenningu fyrir öll fimm Grænu skrefin. Innleiðingin gekk vel enda græn hugsun í forgrunni. Á Kópaskeri er t.d. ekki flokkað plast en plastið frá Vínbúðinni er sent til Húsavíkur í flokkun. Vel gert og til hamingju með áfangann.

Hleðslustöð fyrir rafbíla hjá Skógræktinni á Akureyri

5. júlí, 2017/in Fréttir /by gre

Það þarf oft ekki flókinn búnað til að búa til aðstöðu fyrir rafbíla stofnana eða fyrir starfsfólk og gesti. Hér t.d. setti Skógræktin á Akureyri upp einfalda hleðslustöð sem fólk þar getur nýtt sér þurfi það hleðslu á bílinn sinn. Svo sakar ekki hvað hún er hrikalega flott og passar vel við sitt umhverfi.

Landsvirkjun á Háaleitisbraut komin með skref 2 og 3

7. júní, 2017/in Fréttir /by gre

Aðalskrifstofa Landsvirkjunar á Háaleitisbraut tekur Grænu skrefin með trompi en í október fengu þau viðurkenningu fyrir fyrsta skrefið og hafa nú einnig lokið skrefum 2 og 3. Umhverfismál eru ekki ný af nálinni hjá Landsvirkjun og hafa þau um áraskeið fylgst vel með losunartölum, umhverfisáhrifum virkjana og tengdra mála. Grænu skrefin hafa þó hjálpað þeim […]

Aðalbygging með fyrsta skrefið

6. júní, 2017/in Fréttir /by gre

Aðalbygging Háskóla Íslands fékk afhent sitt fyrsta Græna skref. Jón Atli Benediktsson rektor háskólans tók á móti viðurkenningunni og sagði við það tilefni að „umhverfismál væru ein allra helsta áskorun sem heimurinn stendur frammi fyrir í dag og vill Háskóli Íslands leggja sitt af mörkum m.a. með þátttöku í verkefni eins og Grænum skrefum og sýna […]

Fyrsta skrefið í höfn hjá Tryggingastofnun

31. maí, 2017/in Fréttir /by gre

Tryggingastofnun fékk afhenda viðurkenningu fyrir fyrsta Græna skrefið. Stofnunin tók innleiðingu skrefsins með trompi, eru t.d. hástökkvarar í flokkun á úrgangi en flokkun jókst úr 17% árið 2015 í 52% árið 2016, til að fá þetta fram tóku þau almenna sorpið úr augnsýn starfsmanna því jú það á að vera auðveldast að flokka, með góðri […]

Annað skrefið hjá Landsvirkjun Akureyri

28. maí, 2017/in Fréttir /by gre

Starfsstöð Landsvirkjunar á Akureyri var að ljúka við og fá viðurkenningu fyrir sitt annað Græna skref. Akureyringar eru ansi vanir flokkun og umhverfisvænni hugsun og því gekk innleiðing skrefsins mjög vel. Til hamingju 🙂

Fimmta ráðuneytið er komið í verkefnið

16. maí, 2017/in Fréttir /by gre

Atvinnuvega- og nýsköpunarráðuneytið er búið að skrá sig í Grænu skrefin. Ráðuneytið var eitt af sex sem undirrituðu aðgerðaráætlun í loftslagsmálum fyrir nokkrum dögum síðan. Nú á að láta verkin tala og taka umhverfismálin fastari tökum innan ráðuneytisins. Hlökkum til samstarfsins 🙂

Isavia, flugfjarskipti eru komin með fjórða skrefið

15. maí, 2017/in Fréttir /by gre

Flugfjarskipti voru fyrsta starfsstöð Isavia til að ná þeim áfanga að ljúka við fjórða Græna skrefið. Auk viðurkenningar Grænna skrefa fengu þau viðurkenningu frá Isavia fyrir að innleiða verkefnið svona hratt og vel.

Vegagerðin komin með sitt annað skref

9. maí, 2017/in Fréttir /by gre

Vegagerðin á höfuðborgarsvæðinu er komin með sitt annað Græna skref. Þau fylgjast vel með þeim þáttum sem hafa hvað mest umhverfisáhrif hjá þeim og vinna að því að draga úr þeim eins og hægt er. Þau hafa t.d. tekið markvisst á innkaupamálum en eins og með svo margt er mikilvægt að fylgjast vel með og minna […]