GRÆNT BÓKHALD - GAGNAGÁTT
Skilafrestur fyrir Grænt bókhald er 1. maí 2024
Í Grænu bókhaldi eru teknar saman upplýsingar um hvernig innkaupum á margvíslegri rekstrarvöru og þjónustu er háttað, aðallega í formi tölulegra upplýsinga. Með markvissri færslu Græns bókhalds geta stofnanir gert sér grein fyrir keyptu magni og eðli innkaupa á vöru eða orku og þannig sett sér mælanleg markmið um hagræðingu eða að draga úr notkun.
Með aukinni áherslu á loftslagsmál er mikilvægt að stofnanir fylgist með losun gróðurhúsalofttegunda sem stafar frá starfsemi þeirra. Með því að halda Grænt bókhald er hægt að fylgjast með magni losunar, skoða árangur í samanburði við aðrar stofnanir, fara í aðgerðir til að draga úr losun og kolefnisjafna svo það sem eftir situr. Grænt bókhald er því grundvöllur þess að stofnanir geti sett sér loftslagsstefnu líkt og kveðið er á um að þær geri samkvæmt lögum um loftslagsmál. Losunarstuðlar Umhverfisstofnunar eru innbyggðir í Græna bókhaldið.
Græna bókhaldið tekur til þeirra þátta sem hafa hve mest umhverfisáhrif í daglegum rekstri:
- Samgöngur
- Úrgangur
- Orkunotkun
- Matarsóun
- Pappírsnotkun
- Efnanotkun
Grænu bókhaldi er skilað í Gagnagátt Umhverfisstofnunar. Tengiliðir Grænna skrefa geta skráð sig inn í Gagnagáttina með tölvupóstfangi, hafið samband við graenskref@graenskref.is ef þið komist ekki inn. Skilafrestur fyrir Grænt bókhald ársins 2023 er 1. maí 2024.
Athugið að einkafyrirtæki geta nálgast leiðbeiningar um gerð loftslagsstefnu og skráningu Græns bókhalds hjá Festu.
Til þess að reikna losun frá flugferðum er notast við við reiknivél Alþjóðaflugmálastofnunarinnar (ICAO), sjá hér. Reiknivélin veitir upplýsingar um vegalengd og losun.
Grænt bókhald nýtist á margan hátt:
- Safnað er upplýsingum um þá þætti sem valda neikvæðum umhverfisáhrifum
- Losun gróðurhúsalofttegunda vegna samgangna, úrgangs og orkunotkunar reiknast sjálfkrafa
- Samantekt um Grænt bókhald nýtist til að koma stefnu í umhverfismálum á framfæri
- Tölur úr Grænu bókhaldi draga fram það sem betur mætti fara við reksturinn
- Skýrsla um Grænt bókhald veitir upplýsingar til almennings um stofnunina
- Upplýsingar um Grænt bókhald geta stuðlað að betri ímynd í samfélaginu
Grænt bókhald
Fræðsla um grænt bókhald ríkisstofnana – sjá kaflaskipti fyrir neðan myndband
Kaflaskipti
Kynning á Grænu bókhaldi 00:00
Kynning á Gagnagátt Umhverfisstofnunar, þangað sem bókhaldinu er skilað 1:23
Síða 1 – Stærð húsnæðis og fjöldi stöðugild 2:47
Síða 2 – Skrifstofupappír og prentþjónusta 4:42
Síða 3 – Ræsti- og hreinsiefni og ræstiþjónusta 6:45
Síða 4 – Rafmagn og heitt vatn 9:30
Síða 5 – Akstur 12:04
Síða 5 – Flug 15:41
Síða 6 – Önnur losun 19:07
Síða 7 – Samgöngusamningar 20:40
Síða 8 – Úrgangur 21:40
Síða 9 – Aðrar rekstrarvörur 24:20
Síða 10 – Matarsóun 25:14
Síða 11 – Niðurstöður og markmið 27:00
Síða 12 – Samantekt á losun gróðurhúsalofttegunda, matarsóun og kolefnisjöfnun 29:22
Síða 13 – Staðfesting á skilum 30:55
Síða 14 – Skilafrestur og aðstoð 31:24
591-2000
Suðurlandsbraut 24, 108 Reykjavík
Opið virka daga frá 09:00 – 15:30